पुणे – आज चैत्र शुद्ध नवमी अर्थात रामनवमी… देशभरात हा राम नवमी उत्सव मोठ्या उत्साहात साजरा केला जातो. परंतु, गेल्या वर्षीप्रमाणेच यंदाच्या राम नवमीच्या उत्सवावरही कोरोनाचं सावट आहे.
भोर तालुक्यातील तीनशे वर्षाची परंपरा असलेली प्रसिद्ध राम जन्मोत्सवाची परंपरा या ही वर्षी खंडीत करण्यात आली आहे. रामनमवी आणि जनाईदेवीची यात्रा असा मोठा उत्सव भोर मध्ये भरत असतो मात्र कोरोना महामारीचे संकट असल्याने राम जन्मोत्सव सलग दुसऱ्यांदा रद्द करण्यात आला आहे.
या यात्रांचे आकर्षण असलेल्या पंतसचिव राजे यांच्या वाड्यात आकर्षित सजावट करून राम जन्मोत्सव साजरा केला जात असतो,मात्र यंदा संपूर्ण परिसरात शुकशुकाट पाहायला मिळत आहे नागरिकांनी घरा बाहेर पडू नये तर घरूनच निवेद्य आणि दर्शन घ्या असे आवाहन ही श्रीमंत राजेश राजे पंतसचिव आणि भोर प्रशासन यांनी केले आहे.
दरम्यान, देशासह राज्यात सध्या कोरोनाच्या दुसऱ्या लाटेनं थैमान घातलं आहे. दररोज कोरोनाबाधितांची संख्या नवनवे उच्चांक गाठत आहे. त्यामुळे कोरोनाच्या वाढत्या प्रादुर्भावामुळे राज्यात अनेक कठोर निर्बंध लादण्यात आले आहेत. अशातच आज साजऱ्या केल्या जाणाऱ्या राम नवमी उत्सवासाठीही शासनाकडून नियमावली जाहीर करण्यात आली आहे. या नियमांचं पालन करत कोरोनाच्या सावटात राज्यभरात ठिकठिकाणी राम नवमीचा उत्सव पार पडत आहेत.
महत्वाच्या बातम्या
- कठीण काळात मदतीला धावून आले अंबानी, 700 टन ऑक्सिजनचा करणार मोफत पुरवठा
- राज्यात आरोग्य आणि आर्थिक आणीबाणी लावा, काँग्रेसच्या आमदाराचे मोदींना पत्र
- ‘नवाब भाई… राष्ट्रवादीच्या आमदारांनीही रेमडीसीवरचा पुरवठा केला,हा औषधांचा साठा कुठून आला?’
- शरद पवार पुन्हा रुग्णालयात,शस्त्रक्रियेनंतर आता प्रकृती स्थिर
- कोरोनामुळे मृत्यू झालेल्या व्यक्तीच्या कुटुंबाला ५ लाख रुपयांची मदत जाहीर करा – रयत
