नवी दिल्ली: कोव्हिशिल्डच्या दोन लसमात्रांमधील अंतर कमी करावे, लहान मुलांसाठी लसीकरण मोहीम सुरू करावी आणि ‘बुस्टर डोस’ देण्याबाबत विचार केला जावा, अशा तीन महत्त्वाच्या मागण्या महाराष्ट्राचे आरोग्यमंत्री राजेश टोपे यांनी केंद्रीय आरोग्यमंत्री मनसुख मंडाविया यांच्याकडे केली आहे.
दोन्ही मंत्र्यांच्या २० मिनिटे झालेल्या भेटीमध्ये महाराष्ट्रातील करोनाच्या परिस्थितीची माहिती टोपे यांनी मंडाविया यांना दिली. करोनाच्या दोन्ही लाटांमध्ये राज्य सरकारने केलेले प्रतिबंधात्मक उपाय व उपचारांच्या कामांचे तसेच, लसीकरणाच्या कामांचे केंद्रीय आरोग्यमंत्र्यांनी कौतुक केले. मुंबईमध्ये पहिल्या मात्रेचे १०० टक्के लसीकरण झाल्याबद्दल त्यांनी अभिनंदन केल्याचे टोपे यांनी म्हटले आहे.
-Owing to the threat of probable third wave of covid-19 Pandemic, requested approval on budget allocation for human resources in supplementary PIP under National Health Mission pic.twitter.com/ymuhQ94hnA
— Rajesh Tope (@rajeshtope11) November 16, 2021
दरम्यान कोव्हॅक्सिन लशीची दुसरी मात्रा २८ दिवसांनंतर दिली जाते तर, कोव्हिशिल्डची दुसरी मात्रा ८४ दिवसानंतर दिली जाते. या दोन्ही लशींच्या दुसऱ्या मात्रेतील अंतरांचा कालावधी समान असावा. कोव्हिशिल्डच्या दोन मात्रांतील अंतरही कमी होणे गरजेचे आहे. तसे केल्यास राज्यातील आणि पर्यायाने देशातील संपूर्ण लसीकरणाचे लक्ष्य वेगाने गाठले जाईल, हा प्रश्न राजेश टोपे यांनी केंद्राकडे मांडला आहे. तसेच हृदयविकाराचा आजार असलेल्या रुग्णांवरील उपचारांसाठी केंद्राकडे ‘कॅथ लॅब’ची मागणीही टोपे यांनी केली आहे.
महत्त्वाच्या बातम्या
- भारत-न्यूझीलंडचा आज पहिला टी-२० सामना; रोहित-राहुल पर्व सुरु
- इंडोनेशिया मास्टर्स बॅडमिंटन स्पर्धेत सिंधू, लक्ष्य सेनची विजयी सुरुवात
- मुश्ताक अली क्रिकेट स्पर्धा: विदर्भाची उपांत्यपूर्व फेरीत धडक
- टीम इंडियामध्ये कोहलीच्या भूमिकेबाबत रोहितचे स्पष्टीकरण; म्हणाला..
- आम्ही राज्यातील हिंदूंची अवहेलना थांबविणार; सोमय्यांचा यशोमती ठाकूर यांना टोला
