टीम महाराष्ट्र देशा : मनसे अध्यक्ष राज ठाकरेंच्या मुंबई मधल्या सभेला निवडणूक आयोगानं परवानगी नाकारली आहे. २४ एप्रिलला ही सभा घेण्यात येणार होती परंतु मनसे लोकसभा निवडणूक लढवत नसल्याचे कारण देत निवडणूक अधिकाऱ्यांनी मुंबई सभेची परवानगी नाकारली आहे.
सध्या देशभरात निवडणुकांचे वारे जोरदार वाहत आहेत. त्यातच मतदारांना प्रभावित करण्यासाठी सत्ताधारी आणि विरोधी पक्षांकडून एकमेकांवर आरोप – प्रत्यारोपाच्या फैरी झडताना दिसत आहेत. मनसे अध्यक्ष राज ठाकरे यांच्या सभांची ‘लाव रे तो व्हिडीओ ‘ स्टाईल सध्या प्रचंड चर्चेत आहे. त्यामुळे त्यांच्या पुढच्या सभांमध्ये राज ठाकरे कोणता नवीन व्हिडीओ घेऊन येणार याची सर्वांनाच उत्सुकता होती. परंतु राज ठाकरेंच्या मुंबईमधल्या सभेला निवडणूक आयोगानं परवानगी नाकारली आहे.
यावर राज ठाकरे काय प्रतिक्रिया देतील याकडे सर्वांचे लक्ष लागले आहे.
बातम्यांसाठी YouTube चॅनेल Subscribe करा
Subscribe Now
