मुंबई: मुंबईत सेनेच्या कार्यकर्त्यावर ईडीने कारवाई केली आहे. पर्यावरण मंत्री आदित्य ठाकरे यांचे निकटवर्तीय असलेले शिवसेना नेते राहुल कनाल (Rahul Kanal) यांच्या घरावर आयकर विभागाने छापा टाकला आहे. मात्र भाजप नेते नितेश राणे (Nitesh Rane) यांनी या प्रकरणाचा थेट दिशा सालियन प्रकरणाशी संबंध जोडला आहे.
राहुल कनाल यांचा दिशा सालियन प्रकरणाशी संबंध असल्याचा संशय नितेश राणे यांनी व्यक्त केला आहे. याबाबत तपास झाला पाहिजे असे नितेश राणे यांनी म्हटले आहे. ८ जूनला दिशाचा मृत्यू झाला त्या रात्री आणि १३ तारखेला राहुल कनाल कुठे होता? त्यावेळचं राहुल कनालचं मोबाईल टॉवर लोकेशन तपासलं पाहिजे. यामधून काहीतरी लिंक नक्की सापडेल. असे राणे यांनी म्हटले आहे.
तसेच राहुल कनाल हा आदित्य ठाकरे यांच्या नाईटलाईफ गँगचा भाग असून त्याचे वडील डेंटिस्ट होते. मग राहुल कनालकडे इतका पैसा कुठून आला? त्याच्याकडे कोणाचा पैसा आहे? राहुल कनाल मुंबईत ‘भाईजान’ हे हर्बल हुक्कापार्लर चालवतो. तसेच तो कॅफे बांद्रा नावाचं रेस्टाँरंट चालवतो. राज्यपालनियुक्त आमदारांच्या यादीतही त्याचा समावेश आहे. मात्र त्याच्यावर एवढी कृपादृष्टी का? असा सवालही राणे यांनी केला आहे.
दरम्यान राहुल कनाल युवासेनेचे पदाधिकारी असून शिर्डी देवस्थानाच्या विश्वस्तांपैकी ते एक आहेत. आयकर विभागाचे अधिकारी मंगळवारी (८ मार्च) सकाळी सीआरपीएफ जवानांची सुरक्षाव्यवस्था घेऊन त्यांच्या वांद्रे येथील निवासस्थानी पोहोचले आहेत. त्यानंतर अधिकाऱ्यांनी याठिकाणी तपासाला सुरुवात केली आहे. त्यामुळे राजकीय वातावरण चांगलेच तापलेले दिसून येत आहे.
महत्वाच्या बातम्या
- “कर नाही त्याला डर कशाला?”, ईडीच्या धाडीवरून चंद्रकांत पाटलांचा सवाल
- नवाब मलिकांच्या राजीनाम्यासाठी भाजपचा उद्या ‘विराट मोर्चा’, आशिष शेलारांची माहिती
- आर अश्विनने विक्रम मोडल्यानंतर कपिल देव यांची पहिली प्रतिक्रिया, दिले ‘हे’ मोठे चॅलेंज
- अमरावतीच्या खासदार नवनीत राणा खो-खो स्पर्धेत प्रथम!
- लेखक गांजा मारून लिहितात का? ट्रोलिंगवर ‘आई कुठे काय करते’च्या लेखिकेच सडेतोड उत्तर..
