पुणे : काही दिवसापुर्वी भारताचा महान फलंदाज सचिन तेंडुलकरचा वाढदिवस साजरा झाला. यावेळी सचिनने आपल्या चाहत्यांना प्लाझमा आणि रक्तदान करण्याचे अवाहन केले होते. सचिनच्या या अवाहनाला प्रतिसाद देत पुण्यातील एका महिला क्रिकेटपटूने रक्तदान केले आहे.
या महिला क्रिकेटपटुचे नाव तेजल हसबनिस असे आहे. देशात आणि राज्यात १ मे पासुन १८ ते ४५ वर्षीय वयोगटातील नागरीकांना लसीकरणासाठी परवानगी देण्यात आली आहे. लस घेतल्यानंतर मात्र काही दिवस रक्तदान करणे शक्य नाही. त्यामुळे लसीकरण सुरु झाले तर रक्ताचा तुटवडा भासु शकतो. यामुळे लस घेण्यापुर्वी तेजल हसबनिसने रक्तदान केले आहे. यावेळी तिने इतरानांही रक्तदान करण्याचे आवाहन केले.
२३ वर्षीय युवा महिला क्रिकेटपटू तेजल हसबनिस ही गेल्या काही वर्षांपासून महाराष्ट्राच्या रणजी संघाची अविभाज्य भाग आहे. मागील काही वर्षात सातत्याने तेजलने महाराष्ट्राचा वरिष्ठ संघ आणि २३ वर्षांखालील संघाकडून खेळतांना उल्लेखनीय कामगिरी केली आहे. तेजल आक्रमक फलंदाजी करण्यासाठी प्रसिद्ध आहे. तसेच ती उपयुक्त फिरकीपटू देखील आहे. २०१९ साली तेजलला भारतीय अ संघाकडून खेळण्याची संधी मिळाली होती.
महत्वाच्या बातम्या
- ‘कोरोना रोखण्यास योगी सरकार अपयशी’, भाजप आमदाराकडून घरचा आहेर
- ‘सर्व काही केंद्र सरकारवर ढकलणार असाल तर राज्यकर्ते म्हणून तुम्ही काय करणार?’
- ‘तेरी मेरी यारी,…’ ; अंकुश चौधरीने अनोख्या अंदाजात केले मास्क घालण्याचे आवाहन
- …आणि काईन जेमिनसलने नेटमध्ये विराटला गोलंदाजी करण्यास दिला नकार
- कोरानाची तिसरी लाट ग्राह्यधरुन तयारी सुरू: पालकमंत्री नवाब मलिक
