मोकाट कुत्र्यांसाठी पालिकेकडून १० लाख रुपयांची तरतुद

🕒 1 min read

जालना : शहरात मोकाट कुत्र्यांची संख्या फार वाढली आहे. प्रत्येक गल्ली-बोळात मोकाट कुत्र्यांची संख्या मोठ्या प्रमाणावर असल्याने शहरवासीयांना याचा खूप त्रास होतोय. त्यामुळे हैराण झालेल्या नागरीकांनी मोकाट कुत्र्यांचा बंदोबस्त करा अशा स्वरूपाची मागणी नगरपालीकेला केली होती.

मोकाट कुत्र्यांचा बंदोबस्त करण्यासाठी नगरपालिकेने दहा लाखांची तरतूद करण्यात आली असल्याचे नगरपालिकेचे मुख्याधिकारी नितीन नार्वेकर यांनी दिली. शहरात मोकाट कुत्र्यांनी अनेकांना चावा घेतल्याच्या अनेक तक्रारी नगरपालीकेकडे येत असतात. लहान मुलांपासून ते वृध्दांनाही कुत्र्यांनी चावा घेतला असल्याची घटना घडल्या आहेत. त्यात नुतन वसाहत येथे मटन, चिकन व मच्छी मार्केट असल्याने येथे शेकडो मोकाट कुत्र्यांचा सुळसुळाट असतो.

या मोकाट कुत्र्यांपासून स्वत: चा बचाव करण्यासाठी जीव मुठीत धरून मार्गक्रमण करावे लागते. त्यात नगरपालीकेच्या सर्वसाधारण सभेतही शहरातील मोकाट कुत्र्यांच्या प्रश्नावर नगरसेवकांनी सतत आवाज उठवला आहे. त्यामुळे नगरपालिका प्रशासनाने मोकाट कुत्र्यांची नसबंदी करण्याचा निर्णय घेतला. मोकाट कुत्र्यांच्या नसबंदीसाठी नगरपालिकेने दहा लाखांची तरतूद केली आहे. यामुळे कुत्र्यांच्या वाढत्या संख्येला आळा बसेल अशी अपेक्षा आहे.

महत्वाच्या बातम्या

• वीज पुरवठा खंडीत करण्याचा निर्णय त्वरीत मागे घ्या,अन्यथा महावितरण कार्यालयांना टाळे ठोकू- बावनकुळे  
• विदर्भातील ‘हे’ माजी केंद्रीय मंत्री राष्ट्रवादीच्या वाटेवर?; जयंत पाटलांच्या भेटीनं चर्चांना उधाण
• पोलिसांच्या नाकाबंदीमुळे शौचालय, टँकर्सपर्यंत पोहोचता येईना; आंदोलकांची हेळसांड
• मुंबईत पक्षाच्या वाढीसाठी काय करता येईल याविषयी जेष्ठ नेत्यांचे फडणविसांनी जाणून घेतले मत
• पॉपस्टार रिहाना नंतर ग्रेटा थनबर्गचा देखील शेतकरी आंदोलनाला पाठींबा !