पंतप्रधानांनी दिलेला शब्द पाळला…पीव्ही सिंधूसोबत आईस्क्रीम खाण्याचं वचन अखेर पूर्ण

नवी दिल्ली : पंतप्रधान नरेंद्र मोदी यांनी टोकियो ऑलिम्पिकमध्ये भारतीय खेळाडूंच्या उत्कृष्ट कामगिरीबद्दल त्यांचे कौतुक केल्यानंतर सोमवारी त्यांच्या निवासस्थानी भारताच्या ऑलिम्पिक दलाची भेट घेतली. या दरम्यान, पंतप्रधान नरेंद्र मोदींनी शटलर पीव्ही सिंधूशी सोबत आईस्क्रीमही खाल्ली. टोकियो ऑलिम्पिकला जाण्यापूर्वी मोदींनी सिंधूला आईस्क्रीम खाण्याचे वचन दिले होते.

पंतप्रधान मोदींनी गोल्ड बॉय नीरज चोप्राशीही संवाद साधला. नीरजने टोकियो ऑलिम्पिक गेम्सच्या भालाफेक स्पर्धेत सुवर्णपदक जिंकले. ऑलिम्पिकमधील ट्रॅक अँड फील्ड स्पर्धेत भारताने प्रथमच पदक जिंकले.

पंतप्रधानांनी 41 वर्षांनंतर ऑलिम्पिकमध्ये भारताला हॉकीत पदक मिळवून देणाऱ्या पुरुष हॉकी संघाशीही संवाद साधला. संघातील सर्व खेळाडूंनी स्वाक्षरी केलेले हॉकी स्टिक्स पंतप्रधानांना सादर केले.

भारतीय खेळाडूंनी टोकियो ऑलिम्पिकमध्ये एका सुवर्णसह सात पदके जिंकली, जी भारताची आतार्यंतची ऑलिम्पिकमधील सर्वोत्तम कामगिरी आहे. नीरज चोप्राने भालाफेकमध्ये सुवर्ण पदक जिंकले जे भारताच्या  अ‍ॅथलेटिक्समधील पहिले पदक आहे.

महत्त्वाच्या बातम्या

• राष्ट्रवादीच्या मेहबूब शेख यांची ‘धूम!’ नियमांची ऐशीतैशी करत ठाकरे सरकारला दाखवला ठेंगा
• ‘त्या’ घोषणेमुळे पंकजा मुंडे यांना राग अनावर, त्यांच्याच समर्थकांना म्हणाल्या, ‘मुर्ख कुठले!’
• सुष्मिता देव यांनी राजीनाम्याच्या निर्णयावर पुनर्विचार करावा’ काँग्रेसची भूमिका
• ‘भावनाताई, चोरी झालेली ७ कोटींची कॅश कोठून आली?’, किरीट सोमय्यांचा सवाल
• हर्षवर्धन पाटलांच्या कन्या अंकिता यांनी घेतली राज्यपालांची भेट, केली ‘ही’ मागणी