घाटीतील रिक्त पदे भरण्याची कार्यवाही लवकरच : अमित देशमुख

औरंगाबाद : शासकीय वैद्यकीय महाविद्यालय व रूग्णालयातील (घाटी) वर्ग -1 ते वर्ग-4 ची मंजूर पदे भरण्याची कार्यवाही सुरू केली आहे. ही पदे लवकरच भरली जातील असे वैद्यकीय शिक्षण मंत्री अमित देशमुख यांनी दिलेल्या लेखी उत्तरात विधानपरिषदेमध्ये  सांगितले. औरंगाबाद व लातूर येथील शासकीय वैद्यकीय महाविद्यालय व रूग्णालयातील रिक्त पदे भरण्यासंदर्भात आमदार सतीश चव्हाण यांनी सोमवारी (दि. 8) विधान परिषदेत तारांकित प्रश्न उपस्थित केला.

औरंगाबाद येथील शासकीय वैद्यकीय महाविद्यालय व रूग्णालयात (घाटी) वर्ग 1 ते वर्ग 4 ची मंजूर पदे 2300 आहेत. भरलेली पदे 1725 तर रिक्त पदे 575 आहेत. हे खरे आहे काय?, औरंगाबाद येथील अतिविशेषोपचार रूग्णालय येथील गट – अ ते गट – ड ची 219 पदे व शासकीय वैद्यकीय महाविद्यालय, लातूर येथे 223 पदास 8 जानेवारी 2021 रोजीच्या  आदेशानुसार मान्यता दिली हे खरे का?, औरंगाबाद येथील शासकीय वैद्यकीय महाविद्यालय अंतर्गत शासकीय कर्करोग रूग्णालयात गट – अ ते गट – ड च्या 360 पदांना 6 जानेवारी 2021 च्या मंत्रीमंडळ बैठकीत मान्यता दिली. हे खरे काय?, असल्यास सदर रूग्णालयातील मंजूर असलेली रिक्त पदे भरण्याबाबत तसेच स्वतंत्र लेखाशीर्ष करण्याबाबत शासनाने कोणती कार्यवाही केली?, नसल्यास विलंबाची कारणे काय आहेत? असा प्रश्न आमदार सतीश चव्हाण यांनी या वेळी विचारला होता.

आमदार सतीश चव्हाण यांच्या प्रश्नाला वैद्यकीय शिक्षण मंत्री अमित देशमुख यांनी लेखी उत्तर दिले आहे. यामध्ये औरंगाबादच्या शासकीय वैद्यकीय महाविद्यालय व रूग्णालयातील मंजूर पदांपैकी 868 पदे रिक्त असल्याचे म्हणाले.  हे रिक्त पदे भरण्याची कार्यवाही सुरू झाली आहे. तर औरंगाबाद येथील अतिविशेषोपचार रूग्णालय करिता स्वतंत्र लेखाशीर्ष मंजूर करण्याची बाब विचाराधीन असल्याचे म्हटले आहे.

महत्त्वाच्या बातम्या : 

• शाळाबाह्य मुलांचे सर्वेक्षण आता कशाला?
• पत्नीच्या संशयानुसार सचिन वाझेनेच मनसुख हिरेनला मारले, देवेंद्र फडणवीस सभागृहात आक्रमक
• महाविकास आघाडीचा विदर्भ, मराठवाड्यावर शैक्षणिक अन्याय; परीक्षा मंडळावर एकट्या पुण्यातुन 10 सदस्य
• ‘अमृता ताई गाण्याची आवड जोपासण्याचा प्रयत्न करता… अशीच आवड जोपासा’
• मुंबईतील नाईट क्लब सर्वात आधी बंद करू, मुंबईच्या पालकमंत्र्याचे संके