काँग्रेस पक्षाला स्वत:ची मतं राखता आली नाहीत, ते उद्या राज्याचं नेतृत्त्व काय करणार – प्रवीण दरेकर

🕒 1 min read

नागपूर: नागपूर आणि अकोला-वाशिम विधानपरिषद मतदारसंघाचा निकाल मंगळवारी जाहीर झाला. या दोन्ही जागांवर भाजपने दणदणीत विजय मिळवत महाविकास आघाडीला धक्का दिला आहे. या पार्श्वभूमीवर भाजप नेते प्रवीण दरेकर (Pravin Darekar) प्रसारमाध्यमांशी बोलत होते. यावेळी त्यांनी महाविकास आघाडी सरकार तसेच कॉंग्रेसवर सडकून टीका केली आहे.

भाजप नेते प्रवीण दरेकर प्रसारमाध्यमांशी बोलताना म्हणाले, महाराष्ट्रात राज्य सरकार कारभार करण्यात अपयशी ठरले आहे. अकोला आणि नागपूर विधानपरिषद निवडणुकीच्यानिमित्ताने जनतेने हे दाखवून दिले. नागपूरमध्ये काँग्रेसची ४० ते ४५ मते फुटली. नागपूरमध्ये भाजपचा जवळपास १७६ तर अकोल्यात १८६ मतांनी विजय झाला आहे.

यावेळी बोलताना भाजप नेते प्रवीण दरेकर यांनी कॉंग्रेस आणि महाविकास आघाडी सरकारवर टीका करत म्हणाले, विधानपरिषद निवडणुकीत महाविकासआघाडीला नागपूर आणि अकोला-वाशिमची जागा राखता आली नाही. या निवडणुकीत त्यांची मतंही फुटली. त्यामुळे ज्यांना स्वत:च्या जागा आणि पक्षाची मतं राखता आली नाहीत, ते उद्या राज्याचे नेतृत्व काय करणार, अशी जोरदार टीका प्रवीण दरेकर यांनी केली आहे.

महत्वाच्या बातम्या:

• विधान परिषदेच्या दोन्ही जागांवर भाजपाचा विजय; ‘मविआ’ला मोठा फटका
• नाव गांधीचे सांगायचे पण आंदोलन करणाऱ्या विद्यार्थ्यांना…- केशव उपाध्ये
• अकोल्यात शिवसेनेचा पराभव, भाजपाचे वसंत खंडेलवाल विजयी
• यह इंसान अलग मिट्टी से बना है; भातखळकरांनी उधळली मोदींवर स्तुतिसुमने
• ‘बूंद से गईं सो हौद से नही आती’, म्हाडाच्या भरती प्रक्रियेवरून भातखळकरांचा हल्लाबोल