मुंबई: पंतप्रधान नरेंद्र मोदी (Prime Minister Narendra Modi) दोन दिवसीय वाराणसी (Varanasi) दौऱ्यावर आहेत. दरम्यान मोदी यांनी मंगळवारी मध्यरात्री ट्विट केलं, ज्यात त्यांनी लिहिलं, काशीमधील विकासकामांची पाहणी करत आहे. या पवित्र नगरीसाठी सर्व प्रकारच्या पायाभूत सुविधा निर्माण करण्याचा आमचा प्रयत्न आहे. मध्यरात्री काशीची विकासकामे पाहण्यासाठी पोहोचलेल्या पंतप्रधान मोदींसोबत उत्तर प्रदेशचे मुख्यमंत्री योगी आदित्यनाथ हेही उपस्थित होते. मोदींनी मध्यरात्री बनारस स्टेशनला भेट दिल्याचे कौतुक भाजप नेते अतुल भातखळकर (Atul Bhatkhalkar)यांनी केले आहे.
दिवसभराचा काशी विश्वनाथ कॉरिडॉर लोकार्पण सोहळा पार पाडून पंतप्रधान नरेंद्र मोदी मंगळवारी रात्री १.१३ ला नूतनीकरण करण्यात आलेल्या बनारस रेल्वे स्थानकावर भेट देण्यासाठी पोहचले. यह इंसान अलग मिट्टी से बना है। असे ट्वीट करत अतुल भातखळकर यांनी मोदींवर कौतुकाची स्तुतिसुमने उधळली आहेत.
दिवसभराचा काशी विश्वनाथ कॉरिडॉर लोकार्पण सोहळा पार पाडून पंतप्रधान मा. @narendramodi जी रात्री १.१३ ला नूतनीकरण करण्यात आलेल्या बनारस रेल्वे स्थानकावर भेट देण्यासाठी पोचले.
यह इंसान अलग मिट्टी से बना है। pic.twitter.com/sTOOjnzGZ1— Atul Bhatkhalkar (@BhatkhalkarA) December 14, 2021
दरम्यान काशी विश्वनाथ कॉरीडॉरचे उद्घाटन करण्यापूर्वी पंतप्रधान मोदी यांनी काशी विश्वनाथ मंदिराच्या गाभाऱ्यात पूजा केली. गंगास्थान केले तसेच मंदिर परिसरात वृक्षारोपण देखील केले. दरम्यान पंतप्रधान नरेंद्र मोदी यांनी स्वच्छता कर्मचारी आणि कामगारांवर पुष्प वर्षाव करून त्यांचा सन्मान देखील केला. दरम्यान काशी विश्वनाथ कॉरीडॉर या प्रकल्पाच्या फेज 1 या प्रकल्पाची किंमत साधारण 339 कोटी इतकी आहे. हा प्रकल्प काशी विश्वनाथ मंदिर आणि गंगेचा वाराणसीमधला किनारी प्रदेश यांना जोडणारा आहे.
महत्त्वाच्या बातम्या
- ‘विचारांची वीज कोसळावी तसे राहुल गांधींनी हिंदू राज्य आणण्याचा बार उडवला’
- सामाजिक एकोप्यातून देशाची प्रगती-चंद्रकांत खैरे
- आगामी महापालिका निवडणुकीत सेना-राष्ट्रवादी एकत्र येणार काय? राज ठाकरे म्हणतात…
- आगामी महापालिका निवडणुकीत सेना-राष्ट्रवादी एकत्र येणार काय? राज ठाकरे म्हणतात…
- कतरिनाच्या भावाचं ‘या’ मराठमोळया अभिनेत्रीने चोरलं काळीज
