प्रताप सरनाईकांनी माझ्याविरुद्ध १०० कोटींचा मानहानीचा दावा दाखल करावाच; सोमय्यांनी दिले आवाहन

🕒 1 min read

मुंबई- शिवसेना आमदार प्रताप सरनाईक हे भाजपचे माजी खासदार किरीट सोमय्या यांच्याविरोधात 100 कोटींचा अब्रुनुकसानीचा दावा करण्याच्या तयारीत आहेत. सोमय्यांनी सरनाईकांच्या बांधकाम व्यवसायातील कथित अवैध कामांबाबत सातत्याने आरोप केले आहेत.

प्रताप सरनाईक यांच्या विहंग ग्रुपने ठाण्यात विहंग गार्डन बांधलं आणि 2008 या तेरा मजली इमारतीतल्या B1 आणि B2 चे ओसी देण्यास नकार दिले. मध्यमवर्गीय खरेदीदारांना त्यांनी फसवलं, असा आरोप सोमय्यांनी केला आहे. तसंच, ठाणे महानगरपालिकेने या दोन्ही इमारती अवैध ठरवल्या आहेत. शिवाय, नवव्या मजल्यापासून ते 13 व्या मजल्यापर्यंतचे फ्लॅट तोडण्यास सांगितले आहेत. मात्र, अजून कुठलीच कारवाई करण्यात आली नाही आणि ओसीही देण्यात आली नाही, असा आरोप सोमय्यांनी केलाय. प्रताप सरनाईक यांनी किरीट सोमय्यांनी केलेले सर्व आरोप फेटाळले आहेत. तसंच, सोमय्यांविरुद्ध 100 कोटींचा अब्रुनुकसानीचा दावा ठोकणार असल्याचंही सांगितलं आहे.

शिवसेना नेते प्रताप सरनाईकांनी माझ्याविरुद्ध १०० कोटी रुपयांचा मानहानीचा दावा दाखल करावाच. त्यांचा भ्रष्टाचार, घोटाळे उघड करण्याचा आमचा लढा सुरूच राहील. असं सोमय्या यांनी ट्विट करून उघडपणे आवाहन दिलं आहे.

I challenge Shivsena Pratap Sarnaik to file Defamation suit of ₹100 Crore against Me. Our fight to expose His Scams will continue.

शिवसेना प्रताप सरनाईकनी माझ्याविरुद्ध १०० कोटी रुपयांचा मानहानीचा दावा दाखल करावाच. त्यांचा भ्रष्टाचार, घोटाळे उघड करण्याचा आमचा लढा सुरूच राहील pic.twitter.com/ZCpgNLlYbG

— Kirit Somaiya (@KiritSomaiya) December 19, 2020

दरम्यान, ईडीने छापा टाकल्यानंतर शिवसेनेचे आमदार प्रताप सरनाईक यांची या प्रकरणात दमछाक झाली आहे. त्यातच त्याच्या विहंग आणि पूर्वेश या दोन्ही मुलांना देखील या प्रकरणात नोटीस तसेच चौकशीला ईडीने बोलावणे धाडले असल्याने प्रताप सरनाईक अडचणीत सापडले आहेत.

महत्वाच्या बातम्या

• त्या’ व्हायरल व्हिडिओवर चौकशी दरम्यान करणचे अजब उत्तर 
• मुंबईत अंबानी-अदानी विरोधात निघणार शेतकऱ्यांचा भव्य मोर्चा
• राष्ट्रीय महामार्गावर 1 जानेवारी पासून ‘फास्टॅगची’ अंमलबजावणी
•  ‘त्या’ शाळांमधील कर्मचाऱ्यांना एक महिन्याच्या आत सातवा वेतन आयोग लागू करण्याचे निर्देश
• पुत्र मोह सोडा, लोकशाही वाचवा; ‘या’ नेत्याने सोनिया गांधींना दिला सल्ला!