कोपर्डीतील नराधमांवर अखेर आरोप सिद्ध; वाचा कोणी दिली काय प्रतिक्रिया

कोपर्डी बलात्कार आणि हत्याप्रकरणी नक्की काय निकाल येणार याकडे सगळ्या राज्याचे लक्ष लागले होते. आज या प्रकरणातील तिन्ही आरोपींवर दोष निश्चित करण्यात आला आहे. मुख्य आरोपी जितेंद्र शिंदे, संतोष भवाळ आणि नितीन भैलूमे या तिघांवर कटकारस्थान करुन अत्याचार आणि हत्येचा दोष सिद्ध झाला आहे. तीनही आरोपींवर आता येत्या २२ तारखेला शिक्षेची सुनावणी होणार आहे.

दरम्यान सामाजिक आणि राजकीय क्षेत्रातून या निर्णयानंतर समाधान व्यक्त करण्यात आल आहे.

माझ्या छकुलीचे जसे लचके तोडले, तसं त्या नराधमांचेही लचके तोडा, अशी तीव्र प्रतिक्रिया नगरच्या निर्भयाच्या आईने व्यक्त केली आहे.

CM @Dev_Fadnavis on kopardi judgment pic.twitter.com/0Rv4953deI

— CMO Maharashtra (@CMOMaharashtra) November 18, 2017

अखेर न्याय मिळण्याच्या आशा जिवंत झाल्या आहेत…! #कोपर्डी प्रकरणात कठोरात कठोर शासन होईल याची अपेक्षा करते. मा न्यायालय आणि तपास यंत्रणांचे आभार. आता प्रतीक्षा 21 व 22 तारखेची.

— Supriya Sule (@supriya_sule) November 18, 2017

कोपर्डी बलात्कार आणि हत्या खटल्यातील तीनही नराधमांवर आज अहमदनगर न्यायालयात आरोप निश्चित करण्यात आले. तीनही नराधमांना २१ नोव्हेंबर रोजी शिक्षा सुनावली जाणारं..#ताई_तुला_न्यायच_मिळणारं!!!

— Nitesh Rane (@NiteshNRane) November 18, 2017

कोपर्डी  प्रकरणी  अहमदनगर जिल्हा न्यायालयाकडून तीन ही आरोपी दोषी ठरविण्यात आले असून  बळी पडलेल्या कुटुंबाला न्याय मिळण्याच्या दिशेने पहिले पाऊल आहे.

— Raosaheb Patil Danve (@raosahebdanve) November 18, 2017

कोपर्डी येथे घडलेली घटना दुर्दैवी व महाराष्ट्राच्या संस्कृतीला काळीमा फासणारी होती. आज आरोपींचा गुन्हा सिद्ध झाला आहे, मात्र अशा प्रकारचा गुन्हा पुन्हा होऊ नये व कायद्याचा वचक निर्माण होण्यासाठी तिन्ही दोषींना फाशीची शिक्षा झाली पाहिजे अशी आमची मागणी आहे.

— Sunil Tatkare (@SunilTatkare) November 18, 2017

प्रतिक्षा फक्त निकालाची ……. pic.twitter.com/epUQCbbJBd

— Chitra Kishor Wagh (@ChitraKWagh) November 18, 2017

आज शनिवार दि. १८ नोव्हेंबर २०१७ रोजी "कोपर्डी अत्याचार प्रकरणातील तीन आरोपींना न्यायालयाने दोषी ठरविल्यावर शिवसेना उपनेत्या व प्रवक्त्या आ. डॉ. नीलम गो-हे यांची प्रतिक्रिया (मराठी)२१ नोव्हेंबरला फाशीची अपेक्षा pic.twitter.com/tYZSoAw1mJ

— Dr Neelam Latika Diwakar Gorhe (@neelamgorhe) November 18, 2017