राज्यात पुन्हा कोरोनाचा उद्रेक; कन्हैया कुमारच्या सभेला पोलिसांनी परवानगी नाकारली

🕒 1 min read

कोल्हापूर- संपूर्ण राज्यात पुन्हा कोरोनाचा उद्रेक झाल्याने राज्यातील सर्वच पालिका खडबडून जाग्या झाल्या आहेत.यातच विविध कार्यक्रम देखील रद्द करण्यात येत आहेत .खबरदारीचा उपाय म्हणून कॉ. गोविंद पानसरे यांच्या स्मृती दिनी आयोजित भारतीय कम्युनिस्ट पक्षाचा नेता कन्हैया कुमारच्या सभेला पोलिसांनी परवानगी नाकारली आहे.

उद्या कोल्हापुरातील दसरा चौकात ही सभा होणार होती पोलीस प्रशासनाकडून दडपशाही सुरू असल्याचा कार्यकर्त्यांकडून आरोप होऊ लागला आहे.जिल्हाधिकारी परवानगी देतात तर पोलीस का देत नाहीत असा सवाल केला जातोय.

ऑल इंडिया स्टुडंट फेडरेशन आणि ऑल इंडिया यूथ फेडरेशनने या सभेचं आयोजन केलं होतं. या सभेचे अध्यक्ष म्हणून हसन मुश्रीफ यांची निवड करण्यात आली होती. तर या सभेला आमदार चंद्रकांत जाधव, आमदार राजू आवळे, माजी आमदार मालोजीराजे, JNU मधील विद्यार्थी नेत्या अमृता पाठक या उपस्थित राहणार होत्या.

दरम्यान,पोलिसांनी बुधवारी या कार्यक्रमाला परवानगी दिली होती. मात्र, आता परवानगी नाकरली आहे. गोविंद पानसरे यांचा शनिवारी २० फेब्रुवारीला सहावा स्मृतीदिन आहे. याच पार्श्वभूमीवर कोल्हापुरात दोन कार्यक्रमांचं आयोजन करण्यात आलं आहे. कन्हैया कुमार यांची जाहीर सभा होणार होती.

पोलिसांनी बुधवारी या सभेस परवानगी दिली होती. परवानगी देताच गिरीश फोंडे यांनी ही सभा दसरा चौकात उघड्यावर होणार अशी माहिती पत्रकार परिषद घेत दिली. त्यानंतर आता कोल्हापूर पोलिसांनी कोल्हापूर शहर आणि जिल्ह्यामध्ये कोरोनाचा प्रादुर्भाव वाढल्याने सभेला परवानगी नाकारली आहे.

महत्वाच्या बातम्या

• तरुण शेतकऱ्यांनी नवीन पीक पद्धती स्विकारून शेतीत क्रांती घडवावी : रावसाहेब दानवे
• ‘मुख्यमंत्री न होता विरोधकांचा नेता झाल्याने फडणवीसांची आकसातून टीका’
• ‘राजे’ तुमच्या विचारांचे पालन करणार, चिमुकल्यांचा शिवजयंती दिनी निर्धार
• पवार-मुश्रीफांना आज ज्या घोटाळा प्रकरणातून दिलासा मिळाला ते प्रकरण नेमके काय होते?
• यंदा आयपीएल ट्रॉफी रॉयल चॅलेंजर्स बेंगलोर जिंकणार मैक्सवेलने दाखवला विश्वास