🕒 1 min read
नवी-दिल्ली : कोरोना महामारीविरुद्ध भारत आज एक मोठी कामगिरी आहे. भारतातील लसीकरणाचा आकडा आज १०० कोटी टप्पा पार करणार आहे आणि हा विक्रम आज देशभरात साजरा करण्यात येणार आहे. आतापर्यंत जगात फक्त चीनने १०० कोटींहून अधिक लसीकरण केले आहे. याच पार्श्वभूमीवर पंतप्रधान नरेंद्र मोदी यांनी देखील याविषयी प्रतिक्रिया दिली.
अभी कुछ देर पहले ही मैं राम मनोहर लोहिया अस्पताल के वैक्सीन सेंटर से होकर आया हूं। एक उत्साह है और दायित्व बोध भी है कि हमें मिलकर कोरोना को हराना है।
मैं सभी देशवासी को बधाई देता हूं। 100 करोड़ वैक्सीन डोज की ये सफलता प्रत्येक देशवासी को अर्पित करता हूं।– पीएम @narendramodi pic.twitter.com/SOegs6e2M4
— BJP (@BJP4India) October 21, 2021
लसीकरणाचा १०० कोटींचा टप्पा पार झाल्यानंतर पंतप्रधान मोदी हे राम मनोहर लोहिया रुग्णालयात पोहोचले. येथे रुग्णालय अधिकाऱ्यांशी संवाद साधल्या नंतर त्यांनी इन्फोसिस फाउंडेशनच्या विश्राम सदनाच्या उद्घाटन प्रसंगी संवाद साधला. यावेळी बोलतांना ते म्हणाले की,’२१ ऑक्टोबर २०२१ चा हा दिवस इतिहासात नोंदवला गेला आहे. भारताने काही वेळापूर्वीच १०० कोटींच्या लसीचा टप्पा पार केला आहे. १०० वर्षात आलेल्या सर्वात मोठ्या महामारीच्या विरोधात लढण्यासाठी देशाकडे १०० कोटींच्या लसीचे मजबूत सुरक्षा कवच आहे. ही कामगिरी भारताची आहे. देशाच्या लसनिर्मिती करणाऱ्या, पुरवठा करणाऱ्या आणि लस देणाऱ्या सर्वांचे मनापासून आभार मानतो. काहीवेळापूर्वी मी राम मनोहर लोहिया रुग्णालयातील व्हॅक्सीन सेंटरला भेट देऊन आलो. उत्साह आहे आणि जबाबदारीची भावना देखील आहे की आपण एकत्रितपणे कोरोनाला पराभूत केले पाहिजे. मी सर्व देशवासियांचे अभिनंदन करतो. तसेच १०० कोटी लसींच्या डोसचे हे यश मी प्रत्येक देशवासियांना समर्पित करतो,’ असेही ते म्हणाले.
दरम्यान, पुढे बोलतांना हरियाणाचे मुख्यमंत्री मनोहर लाल खट्टर यांचे कौतुक करत ते म्हणाले की,’मी मनोहर लालजींना बऱ्याच काळापासून ओळखतो, पण मुख्यमंत्री म्हणून त्यांची प्रतिभा समोर आली आहे. मनोहर लाल अनेकदा चांगले प्रयोग करतात. कधीकधी केंद्र सरकारला असेही वाटते की आपणही असे प्रयोग केले पाहिजेत. मनोहर लाल खट्टर यांनी दीर्घ विचाराने घातलेला पाया हरियाणाच्या विकासासाठी खूप प्रभावी ठरणार आहे,’ असे मोदी म्हणाले.
महत्त्वाच्या बातम्या
- ‘शेतकऱ्यांना शेतीपंपासाठी आठ तास अखंडीत वीज द्या, अन्यथा रास्तारोको आंदोलन करू’
- ‘मुंबई मनपाच्या पैशांचा शिवसेनेकडून पक्षनिधी म्हणून वापर’, बाळा नांदगावकर यांचे आयुक्तांना पत्र
- डोनाल्ड ट्रम्प स्वतःचं सोशल मीडिया नेटवर्क करणार लाँच
- ‘तुमच्याकडे ना हिंदुत्व, ना धर्म! आहे ते फक्त हिंदुत्वाशी गद्दारी करून मिळवलेले मुख्यमंत्रिपद’
- भारताने सर्वांत कमी कालावधीत १०० कोटी लसीकरणाचा टप्पा पार केला-पंकजा मुंडे
बातम्यांसाठी YouTube चॅनेल Subscribe करा
Subscribe Now
