औरंगाबाद : प्राध्यापकांना सातव्या वेतन आयोगाची थकबाकी रोखीने देण्याची मागणी मराठवाडा शिक्षक मतदार संघाचे आमदार विक्रम काळे यांनी केली आहे. राज्याचे उच्च व तंत्र शिक्षण मंत्री उदय सामंत यांची भेट घेऊन त्यांनी प्राध्यापकांच्या प्रलंबित प्रश्नांवर चर्चा केली. या वेळी सकारात्मक चर्चा झाली असल्याची माहिती आमदार काळे यांनी दिली आहे.
यामध्ये विक्रम काळे यांनी केलेल्या मागणीनुसार सातव्या वेतन आयोगाची केंद्र सरकारकडून आलेली ५० टक्के हिस्यांची १३२९ कोटी ९३ लाखांची रक्कम जशीच्या तशी रोखीने प्राध्यापकांना देण्यात यावी. त्याचे दोन भाग करु नयेत तसेच ती रक्कम जीपीएफमध्ये टाकू नये अशी मागणीही आमदार काळे यांनी केली आहे. या संदर्भात २० मे रोजी घेतलेला शासन निर्णय रद्द करावा अशी मागणीही त्यांनी केली आहे.
या बरोबरच नॉन कॉलिफाईड तासिका तत्त्वावरील प्राध्यापकांना वेतन अदा करावे. ज्या ठिकाणी नेट-सेट उमेदवार मिळत नसतील तेथे तासिका तत्त्वावर नियुक्ती देवून दरमहा मानधन अदा करावे अशी मागणीही आमदार काळे यांनी केली आहे. बिगर नेट–सेट प्राध्यापकांचा प्रश्न लवकर मार्गी लावणार असल्याचे आश्वासन मंत्र्यानी दिले असल्याची माहितीही आमदार काळे यांनी दिली आहे.
महत्त्वाच्या बातम्या
- महागाईचा भडका ; कॉंग्रेसने केले PPE किट घालून भाजप कार्यालयाबाहेर आंदोलन
- मनसुख हिरेन मृत्यू प्रकरणाचं गूढ वाढलं, अहवालातून धक्कादाय माहिती आली समोर
- लिंब, बेहडा, बांबू, ताम्हणसह औरंगाबाद मनपाने केली १० हजार वृक्षांची लागवड
- कोरोना रूग्णसंख्या आटोक्यात आणण्यासाठी शर्थीचे प्रयत्न करा – अजित पवार
- उस्मानाबाद शहरात बालविवाह थांबवण्यात महिला आणि बालविकास विभागाला यश
