मुंबई : पूजा चव्हाणच्या मृत्यूनंतर नॉट रिचेबल असणारे संजय राठोड काल (२३ फेब्रुवारी) वाशिममधील पोहरादेवी गडावर गेले होते. यावेळी पोहरादेवी याठिकाणी संजय राठोड समर्थकांनी तुफान गर्दी केली होती. त्यामुळे कोरोनाचे नियम पायदळी तुडवल्याचे दिसून आले होते.
त्यामुळे संजय राठोड यांच्यावर नियमभंगाची कारवाई केली जाणार का ? असा सवाल उपस्थित केला जात होता. ‘पूजा चव्हाण आत्महत्त्या प्रकरणावरून कारवाई झाली नाही. किमान कोरोना नियमांचे उल्लंघन केल्याप्रकरणी तरी राठोड यांच्यावर कारवाई केली जावी’, अशी मागणी विरोधकांनी केली आहे.
पोहरादेवी येथे कोरोना प्रतिबंधासाठी घालून देण्यात आलेले निर्बंध झुगारुन गर्दी जमली होती. यामुळेच राष्ट्रवादी कॉंग्रेस पक्षाचे अध्यक्ष शरद पवार नाराज असल्याची माहिती समोर आली आहे. राज्यातला एक मंत्री अश्या प्रकरची गर्दी जमवत असेल, तर ते सरकारच्या प्रतिभेला शोभत नसल्याने पवार नाराज झाले आहेत.
तुमचेच दात आणि तुमचेच ओठ… एक निरपराध मुलीचा जीव गेला तेव्हा नाराजी कुठे गेली होती??? एखादं युद्ध जिंकल्यासारखा एक हत्येचा आरोपी बिनधास्त फिरतो त्यावर पवार साहेब फक्त नाराज होणार पण त्याच्यावर कायदेशीर कारवाई नाही होऊ देणार. https://t.co/AzpaPOdXFe
— Nilesh N Rane (@meNeeleshNRane) February 23, 2021
दरम्यान, यावरून राजकारण रंगताना दिसत आहे. भाजप नेते निलेश राणे यांनी यावरून पवारांवर टीका केलीये. ‘तुमचेच दात आणि तुमचेच ओठ… एक निरपराध मुलीचा जीव गेला तेव्हा नाराजी कुठे गेली होती??? एखादं युद्ध जिंकल्यासारखा एक हत्येचा आरोपी बिनधास्त फिरतो. त्यावर पवार साहेब फक्त नाराज होणार पण त्याच्यावर कायदेशीर कारवाई नाही होऊ देणार’, अशा आशयाचे ट्वीट करत निलेश राणेंनी पवारांवर हल्लाबोल केला आहे.
महत्त्वाच्या बातम्या
- ‘या’ जिल्ह्याला अहिल्यादेवींचे नाव देण्याची मुख्यमंत्र्यांकडे केली भूषणसिंह राजे होळकरांनी मागणी
- भाजप राजकीय प्रदुषणाचा बळी पडत आहे; वरिष्ठ नेत्याचा घरचा आहेर
- जगातील सर्वात मोठे स्टेडियम आता नरेंद्र मोदींच्या नावाने ओळखले जाणार
- ‘पालघर साधू हत्याकांडापासून पूजा चव्हाण प्रकरणापर्यंत कडक कारवाई महाराष्ट्रातील जनता बघतेच आहे’
- ‘विराट कोहली कोणतं काम करु शकत नाही?’, ICC ने शेअर केला व्हिडीओ
