औरंगाबाद : बीड येथील परळी शहरात संत भगवान बाबा प्रतिष्ठानतर्फे नवरात्रीच्या निमित्ताने सार्वजनिक दुर्गा महोत्सवाचं आयोजन करण्यात आला होता. या कार्यक्रमाला भाजप नेत्या पंकजा मुंडे उपस्थित होत्या. गेल्या दोन दिवसांपासून पंकजा मुंडे चर्चेत आहेत. एवढंच नाही तर त्यांना सोशल मीडियावर ट्रोल देखील केलं जातं आहे. अशातच त्यांनी ट्रोलिंगचा देखील समाचार घेतला. मात्र, त्यांनी केलेल्या विधनांमुळे कार्यक्रमात चांगलाच हशा पिकला.
सध्या मी बेरोजगारच आहे, त्यामुळे… – पंकजा मुंडे
काकांनी देवीच्या कानात काय सांगितलं, तर ताईंना सांग मला काहीतरी काम द्या, मला ते ऐकून खूप आनंद झाला. कारण मी जर कुणाला काम देऊ शकते, याचा अर्थ मलाही काम मिळेल, सध्या मी बेरोजगारच आहे, त्यामुळे मला तुमची प्रार्थना आवडली. हे एक तीर में दो निशाण आहे, अशी टोला पंकजा मुंडेंनी लगावला आहे.
यादरम्यान, पंकजा मुंडेंनी सोशल मीडिया ट्रोलिंग बाबत देखील विधानं केलं आहे. जुन्या काळातलं युद्ध वेगळं होतं, नव्या काळातलं युद्ध वेगळं आहे, गोपीनाथ मुंडे साहेबांच्या वेळचे नेते वेगळे होते, परिस्थिती वेगळी होती, कार्यकर्ते वेगळे होते, आत्ताचं युद्ध वेगळं आहे. सोशल मीडियावर लढलं जातं. तलवारी, भाले, ढाली यांची काहीच गरज नाही. मी तुझ्याबद्दल अफवा पसरवतो, तू माझ्याबद्दल अफवा पसरव. मी तुला ट्रोल करतो, तू मला ट्रोल कर. हे सोशल मीडियाचं युद्ध आहे. आपण यामध्ये बसत नाही. आपण सगळे आपापलं काम करत असतो, असं पंकजा म्हणाल्या.
काँग्रेस पक्षात वंशवादाचे राजकारण सुरू आहे. तर पंतप्रधान नरेंद्र मोदी यांना वंशवादाचे राजकारण संपवायचे आहे. त्याचा अर्थ असा नाही की, म्हणत पंकजा मुंडे यांनी एक क्षण विचार केला आणि यामध्ये मी सुद्धा वंशवादाचे प्रतीक आहे. मला कोणी संपवू शकतं नाही. पंतप्रधान मोदी यांनी सुद्धा ठरवून मला संपवायचा प्रयत्न केला तरी ते मला संपवू शकत नाहीत. जर मी तुमच्या मनावर राज्य केले तर, असं वक्तव्य पंकजा मुंडे यांनी केलं होतं.
महत्वाच्या बातम्या :
- PM Yojana | ‘या’ योजनेअंतर्गत सप्टेंबर नंतरही गरिबांना मिळणार मोफत धान्य
- Supriya Sule | शरद पवारांनी केवळ ‘ही’ गोष्ट केली की ते पुन्हा सत्तेत येतात – सुप्रिया सुळे
- Uday Samant । विकासकामांचा प्राधान्यक्रम ठरवून निधीचा योग्य विनियोग करावा – उदय सामंत
- Lata Mangeshkar Award | उषा मंगेशकर आणि पं. हरिप्रसाद चौरसिया यांना गानसम्राज्ञी लता मंगेशकर पुरस्कार प्रदान
- Anil Deshmukh । अनिल देशमुखांची दिवाळी गोड होणार नाही?; जामीन अर्जावरील निर्णय कोर्टाने राखून ठेवला
