नवी दिल्ली : भारताची आघाडीची बॅडमिंटनपटू पी.व्ही सिंधू हिने ऐतिहासिक कामगिरी करता टोकियो ऑलिम्पिक स्पर्धेत कांस्यपदक जिंकले आहे. पीव्ही सिंधूला काल झालेल्या उंपात्य सामन्यात पराभव स्विकारावा लागला होता. यात तिला चायनिज ताईपाईच्या ताई झु यिंग कडून सलग दोन सेटमध्ये पराभव स्विकारावा लागला होता. यानंतर कांस्य सामन्यात सिंधूने पुनरागमन करत कांस्य पदकाला गवसणी घातली आहे, यात तिने चीनच्या बिंग जिओ ही हीचा 21-13 21-15 असा पराभव केला आहे, यामुळे सलग दोन ऑलिम्पिक मध्ये मेडल मिळवणारी पहिली भारतीय महिला खेळाडू ठरली आहे.
पी.व्ही सिंधूवर सध्या विविध माध्यमातून शुभेच्छांचा वर्षाव होत आहे. देशाचे पंतप्रधान नरेंद्र मोदी यांनी देखील ट्वीटरच्या माध्यमातून पी. व्ही. सिंधूचे अभिनंदन केले आहे. ‘ पी. व्ही. सिंधू दैदिप्यमान कामगिरीमुळे आम्ही सर्वजण आनंदी आहोत. टोकियो ऑलिंपिक 2020 मध्ये कांस्यपदक जिंकल्याबद्दल तिचे अभिनंदन, ती भारताची शान आहे आणि आमच्या सर्वात उत्कृष्ट ऑलिंपियनपैकी ती एक आहे.’ अशा आशयाचे ट्वीट करून त्यांनी तिचे अभिनंदन केले आहे.
दरम्यान, ऑलिम्पिकमध्ये व्यक्तीगत स्पर्धेत दोन पदक जिंकणारी सिंधू पहिली महिला खेळाडू ठरली आहे. तर दिग्गज पैलवान सुशील कुमार नंतर अशी कामगिरी करणारी दुसरी भारतीय ठरली आहे. सिंधूने याआधी 2016 च्या रियो ऑलिम्पिकमध्ये रौप्यपदक मिळवलं होतं. त्यानंतर यावर्षी कांस्यपदक मिळवत सिंधूच्या कारकिर्दीत आणखी चारचाँद लागले आहेत. याआधी वेटलिफ्टिंगमध्ये मीराबाई चानूने रौप्यपदक पटकावले होते. त्यामुळे भारतासाठी यंदाच्या ऑलिम्पिकमधलं हे दुसरं पदक असून बॉक्सर लवलीनानेही किमान कांस्य पदक निश्चित केलं आहे.
महत्त्वाच्या बातम्या
- ‘ताई, तुम्हाला गाणं गायचंच असेल तर राजभवनात जाऊन गावं लागेल’; चाकणकरांच प्रत्युत्तर
- केंद्र सरकारचे उत्पन्न वाढले, जीएसटी संकलन एक लाख कोटींवर, ३३ टक्क्यांची वाढ
- ये भारत कि शान है… ; पी. व्ही. सिंधूने जिंकल कांस्यपदक !
- एमपीएससीच्या रिक्त जागा तातडीने भरा, अन्यथा आत्महत्येची परवानगी द्या; औरंगाबादेत विद्यार्थ्यांचा संताप!
- …तर पुण्यातील दुकाने परस्पर संध्याकाळपर्यंत उघडी ठेऊ; व्यापारी महासंघाचा इशारा
बातम्यांसाठी YouTube चॅनेल Subscribe करा
Subscribe Now
