आटपाडी : आमदार गोपीचंद पडळकर आणि त्यांच्या समर्थकांनी सरकारच्या आणि पोलिसांच्या मोठ्या विरोधानंतरही अखेर बैलगाडी शर्यत यशस्वी करून दाखवली. कोणत्याही परिस्थितीत बैलगाडा शर्यत होणार नाही असा शासनाचा प्रयत्न होता तर काहीही झालं तरी शर्यत पार पडणारच, असा निर्धार पडळकरानी घेतला होता. त्याप्रमाणेच आज सकाळी पहाटे पाच वाजता पडळकर समर्थकांनी बैलगाडा शर्यतीचे आयोजन करुन बैलगाडा शर्यत यशस्वी करून दाखवली.
यानंतर पडळकरांनी इशारा दिला आहे. ‘सरकारने बैलगाडी शर्यतीबाबत तात्काळ निर्णय घ्यावा, अन्यथा बैलगाडीसह विधान भवनावर मोर्चा काढणार’ असा इशारा आता पडळकरांनी राज्य सरकारला दिला आहे. ही शर्यत होऊ नये म्हणून पोलिस प्रशासनही सज्ज झाले होते. न्यायालयाच्या आदेशाचे उल्लंघन होऊ नये म्हणून पोलिसांनी कटेकोट बंदोबस्त तैनात केला होता. मात्र, पोलिसांना चकवा देत पडळकरांनी रातोरात दुसऱ्या जागेवर मैदान तयार करत शर्यत भरवली आहे. यानंतर त्यांनी राज्य सरकारला इशारा दिला असून त्यांनी आता पुढचा मोर्चा हा विधान भवनावर काढणार असल्याची घोषणा केली आहे.
आटपाडी तालुक्यातील निंबवडे-वाक्षेवाडी गावांच्या दरम्यान असलेल्या पठारावर सकाळी शर्यती पार पडल्या. पडळकर यांनी पोलिसांना चकवा देत एका रात्रीत पाच किलोमीटरचा दुसरा ट्रॅक बनवत बैलगाडा शर्यत पार करून दाखवली. न्यायालयाने बंदी घातली असतानाही पडळकर यांच्या समर्थकांनी बैलगाडा शर्यत पार केल्या आहेत. दरम्यान यावेळी पोलिसांचा मोठा बंदोबस्त असूनही शर्यती पार पडल्या आहेत.
महत्त्वाच्या बातम्या
- ‘काँग्रेस पुढे गुडघे टेकून शिवसेनेनं महाराष्ट्राचा स्वाभिमान गहाण टाकला’; भाजपची जहरी टीका
- कोकण पुरामुळे बुडत असताना स्वतःला कोकणचा नेता म्हणवून घेणारे कुठे होते? – भाई जगताप
- ‘गोमूत्र शिंपडणारे समोर आले असते तेच गोमूत्र कोल्ड्रिंग सारखं घशात घालून पुढे निघालो असतो’
- ‘वॉर्डनिहाय आरक्षणामध्ये फक्त स्त्री-पुरुष हेच आरक्षण असलं पाहिजे- राज ठाकरे
- ‘आरक्षण मिळणार नसेल तर स्पष्ट सांगा, माथी भडकवू नका’; राज ठाकरेंच रोखठोक भाष्य
