उस्मानाबाद: तालुक्यात गेल्या दोन महिन्यात कोरोनाबाधित रुग्णसंख्या झपाट्याने वाढत असल्याने प्रशासकीय यंत्रणेकडून कोरोना आजाराच्या पार्श्वभूमीवर प्रतिबंधात्मक उपाययोजना राबवण्यात येत आहेत. शहरातील उपजिल्हा रुग्णालयास आता कोरोना रुग्णालय केल्यामुळे कोरोनाच्या आजारा व्यतिरिक्त अन्य आजाराची तपासणी, उपचार करण्यात येत नाहीत. सद्यस्थितीत २७१ पॉझिटिव्ह रुग्ण उपचारात असल्याने सामान्य रुग्ण सेवा शुक्रवार पासून बंद केली आहे.
गत वर्षी एप्रिल महिन्यात कोरोना रुग्ण झपाट्याने वाढत असल्याने उपजिल्हा रुग्णालयात केवळ कोविड रुग्ण सेवा सुरू करण्यात आल्यामुळे अन्य आजारासाठी तालुक्यात खासगी रुग्णालयाचे अधिगृहीत केल्याने सामान्य आजारांंवर उपचारास सर्वसामान्य कुटुंबातील रुग्ण अन् नातेवाईकांमध्ये संभ्रम निर्माण झाला होता. यंदाच्या वर्षातही कोरोना पॉझिटिव्ह संख्या वाढत असल्याने उपजिल्हा रुग्णालय केवळ कोविड रुग्णालय म्हणून सुरू करण्यात आले आहे.
तालुक्यात गेल्या दोन महिन्यात सर्वाधिक रुग्ण कोरोना पॉझिटिव्ह आढळून आल्याने एप्रिलच्या महिन्यात सद्यस्थितीत २७१ जण उपचारात असल्यामुळे प्रशासनाने शहरातील उपजिल्हा रुग्णालयास कोरोना रुग्णालय केले आहे. उपजिल्हा रुग्णालय कोरोना रुग्णालय झाल्याने अन्य सुविधा, उपचार सेवा बंद करण्यात आल्या आहेत.
महत्वाच्या बातम्या
- पश्चिम बंगालमध्ये आज चौथ्या टप्प्यातील मतदान; ३७३ उमेदवारांचे भवितव्य मतपेटीत बंद होणार
- पंत आणि धोनी आमने-सामने ; आज रंगणार दिल्ली कॅपिटल्स विरुद्ध चेन्नई सुपर किंग्स सामना
- कोरोना कहर! लातूर जिल्ह्यात १४०४ विक्रमी रूग्णसंख्या
- हर्षल पटेलची कमाल कामगिरी ; रोहित शर्माचा 12 वर्षाचा रेकॉर्ड मोडीत
- चिंताजनक! लातूर जिल्ह्यात दोन दिवस पुरेल एवढाच लसीचा साठा
