मुंबई : काल माध्यमांशी संवाद साधतांना केंद्रीय तपास संस्थांच्या महाराष्ट्रातील कारवायांवरून शिवसेना खासदार संजय राऊत यांनी मोदी सरकारवर निशाणा साधत ‘सत्तेसाठी काहीही करायचं, केंद्रीय तपास संस्थांचा अमर्याद गैरवापर करायचा, महाराष्ट्रात केंद्रीय संस्थांचा दुरुपयोग लोकशाही संकेतांना धरून नाही. शरद पवार यांनी सांगितलंय की तुम्हाला याची किंमत चुकवावी लागेल. या देशाची जनता कधीच कुणाला माफ करत नाही हे आपण इंदिरा गांधी यांच्या काळातही पाहिले आहे’, असे राऊत म्हणाले होते.
राऊत यांच्या या वक्तव्यावर भाजप नेत्या चित्रा वाघ आक्रमक झाल्या असून यासंदर्भात त्यांनी ट्विट केले आहे. ‘पापाची किंमत चुकवावी लागणार असल्याची भाजपला धमकी देणा-या संजय राऊत यांनी आधीच आपल्या पापाची किंमत #ईडी कडे चुकवलीय… तब्बल ५५ लाख रूपये. ओ..घुंगरू_सेठ.. तुम्ही किंमत चुकवलीये थेट’, असे ट्विट करत चित्रा यांनी राऊतांवर टीकास्त्रांचा प्रहार केला आहे.
पापाची किंमत चुकवावी लागणार असल्याची भाजपला धमकी देणा-या संजय राऊत यांनी आधीच आपल्या पापाची किंमत #ईडी कडे चुकवलीय… तब्बल ५५ लाख रूपये…
ओ.. #घुंगरू_सेठ.. तुम्ही किंमत चुकवलीये थेट !
— Chitra Kishor Wagh (@ChitraKWagh) November 18, 2021
दरम्यान, छगन भुजबळ यांना नंतर क्लिनचिट मिळाली. मग त्यांनी इतका काळ जो तुरुंगात घातला त्याचं काय? त्याची भरपाई कोण करणार? पवार कुटुंबीय, मी, अनिल देशमुख, छगन भुजबळ, अनिल परब, प्रताप सरनाईक असे फक्त आम्हीच तुम्हाला दिसतोय का? भाजपात किंवा त्यांच्या चमचामंडळात सगळे धुतल्या तांदळासारखे आहेत का? आम्ही तुम्हाला घाबरत नाही, कारण आमचं काहीच पाप नाही. तुम्ही पापी लोकं बुरखे घालून फिरता आणि आमच्यावर आरोप करत चिखलफेक करता. याची किंमत भाजपाला चुकवावी लागेल.’ तसेच आम्ही जो त्रास भोगलाय त्या प्रत्येक सेकंदाची किंमत तुम्हाला चुकवावी लागेल. नियती कुणालाही माफ करत नाही, असेही राऊत म्हणाले होते.
महत्वाच्या बातम्या:
- ‘शिवसेनेच्या भ्रमाचा भोपळा २०१७ मध्येच फुटला’, फडणवीसांचे टीकास्त्र
- मुंबै बँक घोटाळ्याप्रकरणी दरेकरांना अंतरिम दिलासा; २ डिसें.पर्यंत कारवाई न करण्याचे पोलिसांना आदेश
- ‘भाजप नेत्यांमुळे संपकऱ्यांची कोंडी’, संजय राऊतांचा हल्लाबोल
- ‘ज्या राज्यात भाजप सरकार नाही तिथेच…’; अनिल बोडेंचं खळबळजनक वक्तव्य
- एसटी कर्मचाऱ्यांना कामावर हजर होण्यासाठी परिवहन मंत्र्यांचा अल्टीमेटम
