फक्त खडसेच नाही तर अनेकजण राष्ट्रवादीमध्ये येण्यास इच्छुक ; जयंत पाटलांचं सूचक वक्तव्य

🕒 1 min read

मुंबई : राष्ट्रवादी काँग्रेसचे प्रदेशाध्यक्ष जयंत पाटील यांनी पत्रकार परिषद घेतली असून एकनाथ खडसे अधिकृतरित्या राष्ट्रवादीमध्ये प्रवेश करणार असल्याची माहिती दिली आहे. येत्या शुक्रवारी म्हणजेच २३ ऑक्टोबरला एकनाथ खडसे दुपारी २ वाजता प्रवेश करणार असल्याचं त्यांनी सांगितलं आहे.

गेले अनेक महिने नाराज असलेले खडसे भाजपला रामराम ठोकणार असल्याच्या चर्चा केल्या जात होत्या मात्र त्यांनी अशा अनेक मुहूर्तांना हुलकावणी दिली होती. मात्र, अखेर आज भाजपची ४० वर्षांची असलेली साथ सोडून त्यांनी पक्षाकडे राजीनामा सुपूर्द केला आहे.

जयंत पाटील यांनी याची अधिकृत घोषणा करतानाच भाजपसाठी आणखी एक धक्कादायक असं सूचक वक्तव्य केलं आहे. फक्त खडसेच नाही तर अनेकजण राष्ट्रवादीमध्ये येण्यास इच्छुक असल्याचं विधान त्यांनी केलं आहे. याआधी मंत्री नवाब मलिक व भाजप प्रदेशाध्यक्ष चंद्रकांत पाटील यांच्यामध्ये आमदार फोडाफोडीवरून शाब्दिक चकमक झाली होती.

भाजपचे अनेक आमदार राष्ट्रवादीमध्ये येण्यास इच्छुक असल्याचा गौप्यस्फोट करतानाच निवडणुकांपुर्वी गेलेले अनेक नेते देखील घरवापसी करणार असल्याचं ते म्हणाले होते. चंद्रकांत पाटलांनी हे वृत्त तात्काळ फेटाळले असले तरी आज जयंत पाटलांनी पुन्हा यासंबंधी विधान केल्यामुळे आता भाजपच्या चिंतेत वाढ झाली आहे.

महत्वाच्या बातम्या-

• जाणून घ्या नाथाभाऊंनी राष्ट्रवादीत प्रवेश केल्यावर कोणतं मंत्रिपद मिळू शकतं?
• खडसेंवर भाजपमध्ये मोठा अन्याय झाला आहे – जयंत पाटील
• पंतप्रधानांनी महाराष्ट्राचा, देशाचा भ्रमनिरास केला!-जयंत पाटील
• गब्बरची शतकी खेळी व्यर्थ, पंजाबच्या विजयामुळे इतर संघांची चिंता वाढली
• राज्य सरकारकडून शेतकऱ्यांना मदत देण्याविषयी कोणतीच हालचाल झालेली नाही -भाजपा