मुंबई: पाच राज्यांच्या विधानसभा निवडणुकांचे निकाल (Election Results) काल जाहीर झाले. पाच पैकी चार राज्यांमध्ये भाजपला यश मिळाले आहे. त्यामुळे सर्वत्र भाजप कार्यकर्त्यांनी जल्लोष साजरा केला आहे. तसेच यावर आता राष्ट्रवादी कॉंग्रेसचे आमदार अमोल मिटकरी (Amol Mitkari) यांनी भाजपवर टीका केली आहे. भाजपची कोणतीही लाट नाही, असा खोचक टोला त्यांनी लगावला आहे.
अमोल मिटकरी म्हणाले, पाच राज्यांच्या विधानसभा निवडणुकांच्या निकालानंतर अनेक वृत्तवाहिन्या मोदी लाट कायम असल्याचं दाखवत आहेत. परंतु पाच राज्यांव्यतिरिक्त इतर विधानसभांची माहिती घेतली तर भाजपची परिस्थिती वाईट आहे, असा दावा राष्ट्रवादीचे विधानपरिषद आमदार अमोल मिटकरी यांनी केला आहे. २९ पैकी केवळ १० राज्यांच्या विधानसभांमध्ये भाजपला स्पष्ट बहुमत आहे, तर तीन राज्यांमध्ये त्यांना भोपळाही फोडता आला नाही, अशी टीका अमोल मिटकरी यांनी केली आहे.
महत्वाच्या बातम्या:
