काँग्रेस-राष्ट्रवादीचं माझ्या माथी आलेले पाप मी निस्तरतोय : नितीन गडकरी

🕒 1 min read

नागपूर – गेली ११ वर्षे रखडलेल्या मुंबई-गोवा महामार्गाच्या गोंधळाविरोधात मनसे रस्ते आस्थापना विभागाचे कार्याध्यक्ष योगेश चिले यांनी मागच्या काही महिन्यांत रान उठवले होते. आपल्या अभ्यासपुर्ण लाईव्हद्वारे त्यांनी कोकणवासियांना या विषयावर जागे केले होते. मुंबई-गोवा महामार्गाचे मुख्य अभियंता, सहाय्यक अभियंता यांच्याशी सातत्याने चर्चा करून, आंदोलने करून मनसेने या विषयावर प्रशासनालाही झोप लागु दिली नव्हती.

आज याच विषयावर मनसे सरचिटणीस मनोज चव्हाण आणि रस्ते आस्थापना कार्याध्यक्ष योगेश चिले यांनी केंद्रीय मंत्री, रस्ते परिवहन व महामार्ग नितीन गडकरी यांची त्यांच्या नागपुरच्या घरी भेट घेतली.यावेळी गडकरी म्हणाले, त्या काँग्रेस-राष्ट्रवादीच पाप मी निस्तरतोय. पण माझ वैयक्तिक लक्ष आहे या रस्त्यावर. मी कोकणाला लवकरात लवकर चांगला रस्ता देणार.

माझा शब्द आहे हा आणि मी शब्द पाळतो. म्हणुनच कामाचा स्पिड वाढवण्यासाठी ज्यांच्यामुळे हा रस्ता रखडलाय त्या दोन काँट्रॅक्टरना मी बदलतोय.. काळजी करू नका … गडकरी साहेबांनी चेहर्यावरच स्मितहास्य कायम ठेऊन मनसेच्या शिष्टमंडळाला आश्वस्त केलं अशी माहिती चिले यांनी दिली आहे.

खरतर नितीन गडकरी यांची शुगर आज वाढलेली होती. त्यामुळे ते त्रासलेले होते पण राज ठाकरे यांनी पाठवल आहे हे कळल्यावर त्यांनी आवर्जुन चौकशी केली. विषय समजुन घेऊन साहेबांना सांगा हा विषय मी लवकरच संपवतोय असा निरोपही शिष्टमंडळाला दिला.

महत्वाच्या बातम्या

• केरळमध्ये अतिवृष्टीमुळे दरडी कोसळून झालेल्या दुर्घटनांमध्ये 23 जणांचा मृत्यु ;13 जण बेपत्ता
• ‘ठाकरे-पवार सरकार म्हणजे ‘अलीबाबा चाळीस चोरा’चे घोटाळेबाज सरकार’, किरीट सोमय्यांचे टीकास्त्र
• ‘केंद्रीय यंत्रणा योग्य मार्गावर असल्यानेच चुकवलेले पैसे जमा करावे लागले’
• दरमहा 3500 रुपये मिळण्याचा मेसेज तुम्हालाही आला असल्यास वेळीच सावध व्हा!
• केरळ पाठोपाठ आणखी एका राज्यात मुसळधार पावसाचा इशारा