शिवसेनेच्या जोशी ‘सरां’ना नितीन गडकरींनी केला आदरपूर्वक वाकून नमस्कार

🕒 1 min read

मुंबई : गेल्यावर्षी शिवसेनेनं भाजपची साथ सोडून विसंगत विचारधारा असलेल्या राष्ट्रवादी आणि काँग्रेससोबत जाऊन महाविकास आघाडीचं सरकार स्थापन केलं. यामुळे दोन दशकांहून अधिक काळ मित्र असलेल्या शिवसेना आणि भाजपमध्ये चांगलीच कटुता निर्माण झाल्याचं दिसून येत आहे.

शिवसेना आणि भाजपमध्ये जरी संघर्ष दिसून येत असला तरी ज्येष्ठ नेत्यांमध्ये जुन्या मैत्रीचा ओलावा कायम असल्याचं आजच्या एका घटनेने सिद्ध झालं आहे. केंद्रीय मंत्री व भाजप नेते नितीन गडकरी यांनी महाराष्ट्राच्या राजकारणात सर म्हणून ओळखले जाणाऱ्या शिवसेनेचे ज्येष्ठ नेते व माजी मुख्यमंत्री मनोहर जोशी यांची आज भेट घेतली. ही भेट जोशींच्या निवासस्थानी झाली.

त्यांची भेट घेताना नितीन गडकरी यांनी जोशी सरांना आदरपूर्वक वाकून नमस्कार केला. या घटनेमुळे जुनी मैत्री तापत्या राजकारणात देखील कशी जपावी याचं उत्तम उदाहरण निर्माण झालं आहे. वयोमानामुळे मनोहर जोशी सद्या राजकीय वर्तुळातून काहीसे बाजूला झाले आहेत. मात्र अशातही त्यांनी अनेक ज्येष्ठ नेत्यांशी आपले ऋणानुबंध जपले आहेत.

मनोहर जोशी हे 1995 ते 1999 या काळात महाराष्ट्राच्या मुख्यमंत्रिपदी विराजमान होते. त्यावेळी नितीन गडकरी हे सार्वजनिक बांधकाम विभागाचे मंत्री होते. याच काळात गडकरींनी राज्यासाठी अनन्यसाधारण महत्व असलेल्या मुंबई-पुणे महामार्ग निर्माणासाठी पुढाकार घेतला होता. पक्षांमध्ये राजकीय कटुता जरी निर्माण झाली असले तरी मैत्री कशी जपावी हे युवकांनी नक्कीच लक्षात घ्यायला हवे. अनेकदा निवडणूका, इतर राजकीय निर्णय, आदी घटनांमुळे दोन चांगले मित्र विभक्त झाल्याचे आपण अगदी गल्लीपासून दिल्लीपर्यंत पाहत आलो आहोत.

केंद्रीय मंत्री श्री @nitin_gadkari यांनी महाराष्ट्राचे माजी मुख्यमंत्री श्री मनोहर जोशी सरांची मुंबईत त्यांच्या निवासस्थानी सदिच्छा भेट घेतली. pic.twitter.com/LzFqht77uZ

— Office Of Nitin Gadkari (@OfficeOfNG) January 7, 2021

महत्वाच्या बातम्या

• पुणे तिथे काय उणे ! राज्यातील आनंदी शहरात पुणे अव्वल
• सिंधुताईंच्या मदर ग्लोबल फाउंडेशनला मिळणार सामाजिक न्यायच्या अनुदानित वसतिगृहाची साथ
• ट्रम्प यांचे मित्र मोदी हे भारतीय लोकांचे विभाजन आणि राज्यघटना बिघडवण्याचा प्रयत्न करत आहेत : सिंह
• राज्यातील 31 डिसेंबर 2020 पर्यंतची गुंठेवारी नियमित केली जाणार; सर्वसामान्यांना घरांसाठी होणार लाभ 
• ग्रामीण भागातील रस्ते आता दर्जेदार होणार; केंद्र सरकारशी सामजंस्य करारास मान्यता