मुंबई : न्यूझीलंड क्रिकेट संघाचा (New Zealand Cricket Team) कर्णधार टॉम लॅथम (Tom Latham) ने भारताविरुद्धच्या मुंबई कसोटी सामन्यातील पराभवाबद्दल निराशा व्यक्त केली आहे. या सामन्यात न्यूझीलंडची कामगिरी चांगली झाली नसल्याचे त्याने म्हटले आहे. दुसरीकडे भारतीय संघा (Indian Cricket Team) ने जबरदस्त खेळ दाखवला. टॉम लॅथमनेही 62 धावांवर ऑलआऊट झाल्याची प्रतिक्रिया दिली आहे.
टॉम लॅथमच्या म्हणण्यानुसार, त्यांच्या संघाला नाणेफेक गमावण्याचाही फटका बसला कारण येथे दुसऱ्या डावात फलंदाजी करणे सोपे नव्हते. सामन्यानंतर तो म्हणाला, ‘आमच्या संघाची कामगिरी खूपच निराशाजनक होती. भारताला श्रेय आहे ज्यांनी इतका चांगला खेळ दाखवला. 62 धावांवर ऑलआऊट झाल्यानंतर आम्ही सामन्यात खूप मागे पडलो. तुम्हाला येथे नेहमीच प्रथम फलंदाजी करायची आहे. कारण नंतर फलंदाजी हे सोपे नाही. न्यूझीलंडला पोहोचल्यानंतर आम्हाला बांगलादेशविरुद्ध मालिका खेळायची आहे आणि त्यासाठी आम्हाला लवकरात लवकर तयारी करायची आहे.’
भारतीय संघाने मुंबई कसोटी सामन्यात न्यूझीलंडचा ३७२ धावांनी पराभव केला. विजयासाठी 540 धावांच्या विशाल लक्ष्याचा पाठलाग करताना न्यूझीलंडचा संघ दुसऱ्या डावात 56.3 षटकात केवळ 167 धावांत आटोपला. भारताने पहिल्या डावात 325 धावा केल्या होत्या, याला प्रत्युत्तरात न्यूझीलंडचा संघ अवघ्या 67 धावांवर आटोपला.
भारताने दुसरा डाव २७६/७ धावांवर घोषित केला. धावांच्या बाबतीत भारताचा हा सर्वात मोठा कसोटी विजय आहे. भारताचा हा भारतातील सलग 14 वा कसोटी मालिका विजय आहे.
महत्वाच्या बातम्या
भारताचा विजय! न्यूझीलंडचा पराभव करत टीम इंडियाने कसोटीसह जिंकली मालिका
लवरकरच जाहीर होणार द. आफ्रिका दौऱ्यासाठीचा भारतीय संघ; रहाणेला मिळणार डच्चू
‘आमच्यासाठी पुनरागमन करणे अवघड पण..,’ न्यूझीलंडच्या खेळाडूचे विधान
रविचंद्रन अश्विनचा मोठा विक्रम; रिचर्ड हेडलीशी केली बरोबरी
न्यूझीलंडचा फिरकीपटू एजाज पटेलच्या ‘त्या’ विक्रमावर शरद पवारांची प्रतिक्रिया, म्हणाले..
