नवी दिल्ली : भारत आणि श्रीलंकायांच्यात ४ मार्च पासून पहिला कसोटी सामना खेळला जात आहे. त्यातील दुसऱ्या दिवसाच्या लंच ब्रेक पर्यंत भारत ७ बाद ४६८ अशा मजबूत स्थितीत आहे.
श्रीलंकन गोलंदाजाना पहिल्या सत्रात फक्त १ विकेट्स घेण्यात यश मिळाले. सध्या मैदानावरती तंबू ठोकून असलेल्या रवींद्र जडेजाने जबरदस्त शतक लगावले आहे. तो १०२ धावांवर नाबाद खेळत आहे. तर जयंत यादव २ धावांवर खेळत आहे.
भारतीय संघाने दिवसचा खेळ ६ बाद ३५७ पासून सुरु केला. काल नाबाद असणारे जडेजा आणि आर अश्विन यांनी आजच्या दिवसाच्या खेळची सुरुवात केली. या दोघांनी ७ व्या विकेट साठी १३० धावांची महत्वपूर्ण भागीदारी केली. अश्विन ६१ धावा करून बाद झाला. भारताने दुसऱ्या दिवसाच्या पहिल्या सत्रात २७ षटकात १११ धावा केल्या.
