नवमतदारांमध्ये मतदान करण्याविषयी जनजागृती निर्माण नवेली देशमुख जिल्हाधिकाऱ्यांनी केला गौरव

औरंगाबाद : लोकसभा व  विधानसभा निवडणुकीमध्ये नवमतदारांमध्ये मोठ्याप्रमाणात मतदान करण्याविषयी जनजागृती निर्माण केलेल्या, औरंगाबाद जिल्ह्यातील निवडणूक विभागाच्या ब्रँड अँबेसेडर तसेच  शासनाच्या माझी कुटुंब माझी जबाबदारी मोहिमेमध्ये पुढाकार घेऊन जनसामान्यात जनजागृती केलेल्या, मिस इंडिया युनिवर्सच्या उपविजेत्या नवेली देशमुख यांचा जिल्हाधिकारी सुनील चव्हाण यांच्या हस्ते प्रमाणपत्र व पुष्पगुच्छ देऊन गौरव करण्यात आला.

जिल्हाधिकारी कार्यालयाच्या सभागृहात आयोजित या कार्यक्रमास अप्पर जिल्हाधिकारी अनंत गव्हाणे, निवासी उपजिल्हाधिकारी संजीव जाधवर, उपजिल्हाधिकारी रिता मैत्रेवार, मंदार वैद्य, संगीता सानप, आप्पासाहेब शिंदे आदींसह तसेच नवेली यांच्या आई प्रा. सुवर्णलता शिंदे, सर्व वरिष्ठ अधिकाऱ्यांची उपस्थिती होती.

जिल्हाधिकारी चव्हाण म्हणाले, मराठवाड्याची कन्या असलेल्या नवेली देशमुख यांनी जिल्हा निवडणूक विभागाची ब्रँड अँबेसेडर म्हणून जबाबदारी सांभाळताना लोकसभा आणि विधानसभा निवडणुकीत मतदानाची टक्केवारी वाढवण्यात मोलाचे सहकार्य केले आहे. त्यांचे या निवडणुकीतील कार्य उल्लेखनीय असेच आहे. युथ आयकॉन असल्याने नवमतदारांमध्ये मतदानाविषयी जनजागृती घडवून आणण्याचे महत्त्वपूर्ण कार्य त्यांनी पार पाडलेले आहे.

जिल्हा प्रशासन आणि  जिल्हा माहिती कार्यालयाच्या आयोजित केलेल्या अनेक उपक्रमांमध्ये सक्रीय सहभाग  त्यांनी घेतल्याने मतदानाची टक्केवारी वाढवण्यात त्यांची भूमिका नक्कीच उपयुक्त ठरली आहे. रन फॉर डेमोक्रसी या उपक्रमाला तर नवमतदारांचा भरभरून प्रतिसाद लाभला आहे.

नवेली देशमुख भरतनाट्यममध्येही पारंगत आहेत; राष्ट्रीयस्तरावरील बास्केटबॉल खेळाडूदेखील आहेत, असे सांगून नवेली देशमुख यांच्याही पुढील वाटचालीस जिल्हाधिकारी चव्हाण यांनी शुभेच्छा दिल्या. राष्ट्रीय कर्तव्य पार पाडण्यासाठी नवमतदारांमध्ये मतदान करण्याबाबत जागृती निर्माण केली. युथ आयकॉन असल्याने औरंगाबादकरांनीही माझ्या आवाहनाला सकारात्मक प्रतिसाद दिला.

शासनाच्या माझी कुटुंब माझी जबाबदारीमध्येही सहभाग घेऊन कोरोनाचा प्रसार वाढू नये याबाबत जनजागृती करता आली, याचा आनंद आहेच. प्रशासनाच्या विविध उपक्रमात सकारात्मकपणे सहभाग घेतलेला आहेच, जनजागृतीही केली आहे आणि यापुढेही करत राहणार असल्याचे मिस युनिवर्स नवेली देशमुख यांनी यावेळी सांगितले.

महत्वाच्या बातम्या 

• त्या’ व्हायरल व्हिडिओवर चौकशी दरम्यान करणचे अजब उत्तर 
• मुंबईत अंबानी-अदानी विरोधात निघणार शेतकऱ्यांचा भव्य मोर्चा
• ‘ड्रग घेतल्याची कबुली देणाऱ्या कंगणाच्या चौकशीची हिम्मत एनसीबी कधी दाखवणार’?
• ASSOCHAM च्या स्थापनेला 100 पूर्ण, पंतप्रधान मोदी करणार रतन टाटा यांचा पुरस्काराने गौरव
• कृषि विभागाच्या सर्व योजनांचा लाभ एकाच अर्जाद्वारे मिळवायचा आहे ? मग ‘असा’ करा अर्ज