कोरोनामुळे नर्सी नामदेवची आषाढी एकादशीची यात्रा रद्द

🕒 1 min read

हिंगोली : संत नामदेव महाराजांचे जन्मस्थळ असलेल्या हिंगोली जिल्ह्यातील नर्सी नामदेव येथील मंगळवारी (ता. २०) होणारी आषाढी एकादशीची यात्रा रद्द करण्यात आली आहे. भाविकांना या परिसरातील उत्सवात सहभागी होण्यास प्रतिबंध करण्यात आल्याचे आदेश जिल्हाधिकारी रुचेश जयवंशी यांनी दिलेत.

संत नामदेव महाराजांचे जन्मस्थळ असलेल्या नर्सी नामदेव येथे दरवर्षी आषाढी एकादशीनिमित्त मोठी यात्रा भरते. या वेळी परिसरातील हजारो वारकरी व भाविक संत नामदेव महाराजांच्या समाधीच्या दर्शनासाठी येतात. या दिवशी दिवसभरात सुमारे दोन ते तीन लाख भाविक दर्शन घेतात. आषाढी एकादशीनिमित्त होणाऱ्या या सोहळ्यात होणारी गर्दी लक्षात घेऊन यात्रा रद्द करण्याचे आदेश जिल्हाधिकारी जयवंशी यांनी काढले आहेत.

या ठिकाणी आषाढी एकादशीनिमित्त होणाऱ्या गर्दीमुळे कोरोनाचा फैलाव होण्याची शक्यता नाकारता येत नाही. त्यामुळे यात्रा रद्द करण्यात आल्याचे या आदेशात नमूद करण्यात आले आहे. याशिवाय या परिसरात उत्सवामध्ये भाविकांना सहभागी होण्यास प्रतिबंध करण्यात आल्याचेही सांगण्यात आले आहे.

महत्त्वाच्या बातम्या

• कोरोनामुळे वैधव्य आलेल्या महिलांना विशेष पॅकेजसाठी पाठपुरावा करणार-खा.सुप्रिया सुळे
• चेंबूर दुर्घटना; ‘मृतांच्या कुटुंबीयांना मनपाने दहा लाखांची मदत द्यावी’, आठवलेंची मागणी
• भाजपाला शह देण्यासाठी मायावती सक्रिय, ‘बसपा’ अयोध्येत ब्राह्मण संमेलन भरवणार
• ‘उद्धव ठाकरे यांना पंतप्रधान करा!’ काँग्रेस नेते पृथ्वीराज चव्हाण यांचे धक्कादायक वक्तव्य
• ‘पटोलेंच्या बोलण्याने महाविकास आघाडीवर काहीही परिणाम होणार नाही’, पृथ्वीराज चव्हाण यांचा दावा