Narendra Modi | नवी दिल्ली : काँग्रेस (Congress) अध्यक्ष मल्लिकार्जुन खर्गे (Malikkarjun Kharge) यांच्या रावणाच्या वक्तव्यावरून पंतप्रधान नरेंद्र मोदी (Narendra Modi) यांनी काँग्रेसवर निशाणा साधला आहे. गुजरातमधील कलोल येथे एका जाहीर सभेला संबोधित करताना, काँग्रेस अध्यक्ष मल्लिकार्जुन खर्गे यांनी रावणाबाबत वक्तव्य करत मोदींवर टीका केली होती.
याला प्रत्युत्तर देत असताना, काँग्रेस पक्षाला रामसेतूचाही तिटकारा आहे. काँग्रेसमध्ये पंतप्रधानपदाचा अवमान करण्यासाठी कोण सर्वाधिक शिव्या देऊ शकेल, याबाबत स्पर्धा लागली आहे. मला शिवीगाळ करण्यासाठी रावणाला रामायणातून आणले. रामभक्ताला रावण म्हणणे चुकीचे आहे, असं नरेंद्र मोदी म्हणाले.
तसेच, जेवढा तुम्ही चिखल फेकाल, तेवढं अधिक कमळ फुलेल असं म्हणत, काही दिवसांपूर्वी एका काँग्रेस नेत्याने मोदी कुत्र्याप्रमाणे मरतील, असं म्हटलं होतं, तर दुसऱ्या नेत्याने मोदी हिटलरसारखे मरतील, असे म्हटले होते. कुणी रावण म्हणतो, तर कुणी झुरळं म्हणतात, असं देखील मोदी म्हणाले.
दरम्यान, गुजरातने मला जी ताकद दिली आहे, त्यामुळे काँग्रेस त्रस्त आहेत. या निवडणुकीत आम्ही मोदींना त्यांची जागा दाखवून देऊ, असे काँग्रेसच्या एका नेत्याने येथे येऊन सांगितले. आणखी काही सांगण्याची गरज भासली असे म्हणून त्यांनी खर्गे यांना येथे पाठविलं असल्याचं नरेंद्र मोदी यांनी म्हटलं आहे.
महत्वाच्या बातम्या :
- Sadabhau Khot | “राज्यकर्ते हे रेड्यांची औलाद असतात, त्यांना…”; सदाभाऊ खोत यांची जीभ घसरली
- Deepak Kesarkar | “कुणीही उठायचं आणि मुख्यमंत्र्यांवर घसरायचं…”, दीपक केसरकर संतापले
- ShivendraSingh Raje Bhosale | “ज्या घराण्याचे वारस आहात त्याच घराण्यातील…” ; शिवेंद्रसिंहराजे भोसले यांचा उदयनराजेंना टोला
- Nana Patole | “एकनाथ शिंदे भ्रष्टाचार करुन मुख्यमंत्री झाले”, नाना पटोले यांचा गंभीर आरोप
- Nana Patole | “मंत्री मंगल प्रभात लोढा यांचा राजीनामा घ्या”; नाना पटोलेंची आक्रमक भूमिका
