नवी दिल्ली: राज्यसभेत सध्या सुरू असलेल्या अर्थसंकल्पीय अधिवेशनात राष्ट्रपतींच्या अभिभाषणावर सध्या चर्चा सत्र सुरू आहे. त्यात काल पासून अनेक दिग्गज खासदारांनी भाषण केले. आज पंतप्रधान नरेंद्र मोदी सभागृहाला आणि देशाला उद्देशून भाषण करत आहेत. आपल्या भाषणात त्यांनी काँग्रेस पक्ष, राहुल गांधी, सोनिया गांधी तसेच विरोधी पक्षांना चांगलेच धारेवर धरले आहे.
आपल्या भाषणात बोलताना त्यांनी शरद पवार यांचे कौतुक करत त्यांच्याकडून खूप काही शिकण्याचे आहे असे म्हंटले. त्यांच्यावर स्तुती सुमनांचा वर्षाव करत त्यांच्याकडून बरेच काही शिकण्यासारखे आहे आणि काँग्रेस पक्ष, राहुल गांधी, सोनिया गांधी यांनी शिकले पाहीजे असे म्हंटले. कोरोना काळात पवारांनी दौरे केले, आदर्श घ्यायचा झाला तर शरद पवारांचा घ्या असे मोदी म्हणाले. तसेच शरद पवार अनेक क्षेत्रातील लोकांना प्रेरणा देतात. निराशेने ग्रासलेल्या काँग्रेस पक्षाने त्यांचा आदर्श घ्यावा.
आगामी पाच राज्यांच्या विधानसभा निवडणुकीच्या पार्श्वभूमीवर त्यांनी आपल्या भाषणात यावेळी काँग्रेस आणि विरोधी पक्षांना चांगलेच धारेवर धरले आहे. तसेच लोकसभेत गदारोळ घालणाऱ्या सर्वच विरोधी पक्षांना सुनावले आहे.
महत्वाच्या बातम्या:
- काँग्रेसला मायलेकाचा पक्ष असे नाव द्या – नरेंद्र मोदी
- Praveen Kumar Death : महाभारतात ‘भिम’ साकारणारे प्रवीण कुमार काळाच्या पडद्याआड
- “वॉर्नरला खरेदी करा तो चांगले रील बनवतो” ; चाहत्यांची राजस्थान संघाला अजब विनंती
- ऐतिहासिक पाकिस्तान दौऱ्यासाठी ऑस्ट्रेलिया संघाची घोषणा; अनेक मोठे खेळाडू यादीत
- वर्ल्डकप संघात निवड न झाल्याने “ही” महिला क्रिकेटर आता खेळणार हॉकी
