अहमदनगर/ऋषिकेश घोगरे : अलीकडच्या काही दिवसांत अहमदनगर शहरासह जिल्ह्यात चोरट्यांनी धुमाकूळ घातला आहे. आज पहाटे साडेतीनच्या सुमारास अहमदनगर शहरातील पाइपलाईन रोडवरील संकल्प अपार्टमेंटच्या तळमजल्यावर असलेल्या बँक ऑफ महाराष्ट्राचे एटीएम सेंटर चोरट्यांनी फोडले. यावेळी तेथील एटीएम मशीन पळवण्याचा प्रयत्न चोरटे करत असताना मोठा आवाज झाला आणि या आवाजाने परिसरातील नागरिक जागे झाल्यामुळे चोरट्यांचा डाव फसला. या घटनेमुळे पहाटेच अहमदनगर शहरात एकच खळबळ उडाली.
आज पहाटे साडेतीनच्या सुमारास पांढऱ्या रंगाची कार घेऊन एटीएम फोडण्यासाठी चोरटे आले होते. चोरट्यांनी हे एटीएम फाउंडेशनमधून तोडले. मशीन फोडून त्यामधील पैसे काढता न आल्याने चोरट्याने मशीनच चोरून नेण्याचा प्रयत्न केला. त्यांनी लोखंडी साखळीने एटीएम मशीन हे आपल्या कारला बांधले. कारचा वेग वाढवून ते मशीन सेंटरमधून ओढून काढण्याचा प्रयत्न केला.
मशीन सेंटरमधून ओढून काढताना यावेळी एटीएम सेंटरच्या काचा फुटून मोठा आवाज झाला. या आवाजाने परिसरातील नागिरकांना जाग आली. नागरिकांच्या भीतीने चोरट्यांनी मशीन जागीच टाकून तेथून पळ काढला. मात्र, या आवाजाने परिसरातील नागरिक जागे झाल्यामुळे चोरट्यांचा डाव फसला. या घटनेची माहिती मिळताच तोफखाना पोलीस ठाण्यातील उपनिरीक्षक सुरसे यांनी पथकासह घटनास्थळी भेट देऊन या चोरट्यांचा शोध सुरू केला आहे. या प्रकरणी तोफखाना पोलीस ठाण्यात गुन्हा दाखल करण्याची प्रक्रिया सुरू आहे.
महत्वाच्या बातम्या
- अर्णबच्या पत्नीचं थेट सर्वोच्च न्यायालयालाच पत्र; म्हणाली, ‘माझ्या पतीला…’
- ‘संजय राऊत यांनी एका नगरपरिषदेच्या निवडणुकीत निवडून येऊन दाखवावं’
- अभिनेता प्रभासचे टॉलीवूड मध्ये अठरा वर्षे पूर्ण; #18GloriousYearsOfPrabhas हॅशटॅग ट्रेंड…
- बिहारच्या विजयात माझा खारीचा वाटा!, कौतुकानंतर फडणवीसांची प्रतिक्रिया
- ‘शिवसेनेची बिहारमध्ये जी अवस्था केली तशीच शिवसेनेची अवस्था महाराष्ट्रात संज्या राऊत करेल’
बातम्यांसाठी YouTube चॅनेल Subscribe करा
Subscribe Now
