इस्लामाबाद : पाकिस्तानचा माजी फास्ट बॉलर शोएब अख्तर पाकिस्तान क्रिकेट बोर्डावर नेहमीच तोंडसुख घेत असतो. कधी संघाच्या खराब कामगिरीवरुन तर कधी संघाच्या निवडीवरुन, क्रिकेट मंडळावर निशाणा साधत असतो. आता त्याने नुकताच पाकिस्तानी सुपर लीग अर्थात पीएसएलच्या नवीन अँथम साँगवर आणि हे गाणं बनवणाऱ्या व त्या गाण्याला परवानगी देणाऱ्या पीसीबीच्या अधिकाऱ्यांवर हल्लाबोल केला आहे.
सोशल मीडियावर एका व्हिडिओद्वारे त्याने या नवीन गाण्याची खिल्ली तर उडवलीच आहे, शिवाय तुम्हाला लाज वाटत नाही का असं गाणं बनवताना अशा शब्दात पाकिस्तान क्रिकेट बोर्डाची खरडपट्टी काढलीये. माझ्या मुलांनी तीन दिवसांपासून (गाणं ऐकल्यापासून) बोलणं सोडलंय, अशा शब्दांत शोएबने या गाण्याची जबरदस्त खिल्ली उडवली आहे.
“असं गाणं बनवणाऱ्याला लाज वाटायला पाहिजे, मला तर हे समजत नाही की या गाण्याला पीसीबीने परवानगी कशी दिली…मला सांगितलं असतं…मी चांगलं गाणं बनवलं असतं…गाणं इतकं घाण आहे की माझ्या मुलांनी ३ दिवसांपासून बोलणं सोडलंय. तुम्ही लहान मुलांना घाबरवलं. मी तुमच्यावर खूप नाराज आहे आणि तुमच्याविरोधात केस दाखल करणार आहे” अशा शब्दात रावळपिंडी एक्स्प्रेस नावाने ओळखल्या जाणाऱ्या शोएबने गाण्याची खिल्ली उडवलीये. तसेच, गाण्यात वापरलेला शब्द Groove चा काय अर्थ होतो हे तरी माहितीये का या शब्दाचा अर्थ नाली होतो, या शब्दाचा गाण्यात कसाकाय वापर करु शकतात, असा सवाल विचारत त्याने पीसीबीला धारेवर धरलं आहे.
Really disappointed by the anthem this year. Is this how you're taking PSL brand up? Going down every year. Kon banata hai yeh.
Full review: https://t.co/WozlCcSSrg#psl6anthem #PSL6 pic.twitter.com/zfcQrNvruu
— Shoaib Akhtar (@shoaib100mph) February 10, 2021
महत्वाच्या बातम्या
- विजय हजारे ट्रॉफीसाठी संघाची घोषणा ; श्रेयस अय्यर मुंबईच्या कर्णधारपदी
- सिनेस्टाईल खूनाचा उलगडा; दारू पाजली, गळा आवळला, पेट्रोल टाकून गाडी दरीत लोटली
- टीम इंडियाला मोठा झटका, इंग्लंड विरुद्धच्या मालिकेसाठी रविंद्र जडेजा तंदुरुस्त नाही
- “झांसे की रानी” चे पितळ उघडे पडले! महाराष्ट्र द्रोही भाजपा नेत्यांनी आता जनतेची माफी मागावी
- जालनेकरांची खड्डेमय रस्त्यातून होणार सुटका; आमदार कैलास गोरंट्याल यांच्या प्रयत्नांना यश
