पुण्यातील १८ ते ४४ वयोगटातील लसीकरणाच्या स्लॉटबाबत महापौरांची महत्वाची माहिती

🕒 1 min read

पुणे : कोरोनावर मात करण्यासाठी देशातील अधिका-अधिक नागरिकांचे लसीकरण होणे गरजेचे आहे. राज्यात कोरोनाचा वाढता प्रादुर्भाव लक्षात घेता धास्तावलेल्या जनता लसीकरणाला चांगला प्रतिसाद देत आहे. मात्र, एकीकडे कोरोनाचा वाढता धोका तर दुसरीकडे लसींचा तुटवडा यामुळे नागरिकांना मनस्ताप सहन करावा लागत आहे.

लसींचा तुटवडा असल्याने मोजक्याच ठिकाणी लसीकरण केले जात आहे. तर, नोंदणी केल्यानंतरच लसीकरण होत असले तरी साठा उपलब्ध झाला नसल्याचे कारण लसीकरण केंद्रावर दिले जात असल्याने अनेक नागरिकांना विना लसीकरणच माघारी यावं लागत आहे. अशातच, ‘राज्यात १ कोटी ८४ लाख लोकांचं लसीकरण झालं आहे. ४५ वर्षांवरील नागरिकांसाठी ३५ हजार कोवॅक्सिन उपलब्ध आहेत.५ लाख दुसरा डोस द्यायचा आहे. त्यामुळे राज्य सरकारने आज १८ ते ४४ वयोगटातील खरेदी केलेलं कोवॅक्सिन हे आता ४५ पेक्षा जास्त वयाच्या नागरिकांसाठी वापरले जाईल,’ अशी घोषणा राज्याचे आरोग्यमंत्री राजेश टोपे यांनी केली आहे.

यामुळे १८ ते ४४ गटातील नागरिकांच्या लसीकरणाबाबत आता संभ्रम निर्माण झाला आहे. त्यामुळेच पुण्यात उद्या १८ ते ४४ गटातील व्यक्तींचे लसीकरण करणाऱ्यांचे स्लॉट आज रात्री बंद राहणार आहेत, अशी माहिती पुण्याचे महापौर मुरलीधर मोहोळ यांनी दिली आहे.

#IMP : आज रात्री ८ वा. स्लॉट बुकिंग सुविधा बंद असेल !

१८ ते ४४ वयोगटासाठीच्या लसीकरणासाठी आवश्यक असणारी बुकिंग आज रात्री ८ वा. उपलब्ध नसेल. लसीकरणासंदर्भात राज्य सरकारकडून निर्देश येणे बाकी असल्याने उद्याच्या लसीकरणासाठीचे बुकिंग उद्या सकाळी ८ वा. करता येईल. नोंद घ्यावी.

— Murlidhar Mohol (@mohol_murlidhar) May 11, 2021

‘१८ ते ४४ वयोगटासाठीच्या लसीकरणासाठी आवश्यक असणारी बुकिंग आज रात्री ८ वा. उपलब्ध नसेल. लसीकरणासंदर्भात राज्य सरकारकडून निर्देश येणे बाकी असल्याने उद्याच्या लसीकरणासाठीचे बुकिंग उद्या सकाळी ८ वा. करता येईल,’ असं महापौर मोहोळ यांनी सांगितलं आहे.

महत्त्वाच्या बातम्या

• इतर शहरांनी मुंबई, पुण्याकडून शिकण्याची गरज ; मोदी सरकारने केले कौतुक
• राज्य सरकारच्या दिरंगाईने रखडलेल्या ऑक्सिजन प्रकल्पाचे भाजपने केले प्रतिकात्मक उद्घाटन
• सचिन वाझेला मोठा धक्का, पोलीस सेवेतून केले बडतर्फ!
• ‘लष्कर ए तोयबा’च्या तीन दहशतवाद्यांचा खात्मा!
• हे ठाकरे सरकार की ‘माग रे सरकार?’; भाजप नेत्याची बोचरी टीका