मुंबईत आज ३९३ नवे करोना रुग्ण; मुंबईतल्या करोनाग्रस्तांची संख्या ५९८२

टीम महाराष्ट्र देशा –  देशाची आर्थिक राजधानी असलेल्या मुंबईतून काळजी वाढवणारी बातमी समोर आली आहे. मुंबईत दिवसभरात ३९३ नवे करोना रुग्ण आढळले. त्यामुळे मुंबईतल्या करोनाग्रस्तांची संख्या ५ हजार ९८२ इतकी झाली आहे. मुंबई महापालिकेच्या आरोग्य विभागाने ही माहिती दिली आहे.

तसेच मृतांच्या संख्येत आणखी २५ जणांची भर पडली आहे. गेल्या २४ तासात करोनाचे २० रुग्ण दगावले आहेत. तर २३ ते २५ एप्रिल दरम्यान ५ मृतांची नोंद आजच्या आकडेवारीत करण्यात आली आहे.

मुंबईतल्या धारावीत आज ४२ नवे रुग्ण सापडले. तर चार करोना बाधितांचा मृत्यू झाला. धारावीतील करोनाबाधितांची संख्या आता ३३० झाली आहे तर आत्तापर्यंत मुंबईतल्या धारावीत १८ जणांचा मृत्यू झाला आहे.

आज मृत झालेल्या रुग्णांमध्ये तीन पुरुष आणि एका महिलेचा समावेश आहे. दोन रुग्ण ६० वर्षे वयाचे एक रुग्ण ५५ वर्षांचा तर एक रुग्ण ४८ वर्षांचा आहे. केईएम रुग्णालयात दोघांचा तर लोकमान्य टिळक रुग्णालयात दोघांचा मृत्यू झाला.

Today 393 persons have tested positive for #COVID19 today; taking the total number of positive cases to 5982: Brihanmumbai Municipal Corporation #Maharashtra pic.twitter.com/x7YIqIHHgv

— ANI (@ANI) April 28, 2020

हेही पहा –