मुंबई : पुण्यात महिला सरपंचाला राष्ट्रवादी काँग्रेसच्या कार्यकर्त्याकडून मारहाण करण्यात आल्याची धक्कादायक घटना समोर आली आहे. पुण्यातील कदमवाकवस्ती भागात लसीकरण केंद्रात ही घटना घडली आहे. घटनेचा व्हिडिओ व्हायरल झाला आहे. यात राष्ट्रवादी काँग्रेसच्या कार्यकर्ता महिला सरपंच गौरी गायकवाड यांना मारहाण करत असल्याचं दिसत आहे.
भाजपच्या प्रदेश उपाध्यक्षा चित्रा वाघ यांनी यावरुन संताप व्यक्त केला असून हे धक्कादायक चीड आणणारं आणि तळपायाची आग मस्तकापर्यंत नेणारं असल्याचं म्हटलं आहे. त्यांनी या संदर्भातला एक व्हिडिओच स्वतःच्या ट्विटर अकाऊंटवर पोस्ट करत राष्ट्रवादी काँग्रेस आणि महाविकास आघाडी सरकारवर टीका केली आहे. चित्रा वाघ यांनी मुख्यमंत्री उद्धव ठाकरे आणि राज्याचे गृहमंत्री तथा राष्ट्रवादीचे नेते दिलीप वळसे पाटील यांचे नाव न घेता जोरदार टीका केली आहे.
गृहखातं ज्या पक्षाकडे त्या पक्षाच्या आमदार व कार्यकर्त्यांना महिला अधिकारी गलीच्छ शिवीगाळ करणे त्यांना ॲट्रोसिटीच्या धमक्या देणे महिला सरपंचाला मारहाण करणे याचं लायसन्स दिलयं का ?? @CMOMaharashtra मुख्यमंत्री महोदय जी….(२/२) @DGPMaharashtra @PuneCityPolice @Dev_Fadnavis
— Chitra Kishor Wagh (@ChitraKWagh) September 3, 2021
त्या म्हणाल्या, ‘कदमवाकवस्ती गावच्या लोकनिर्वाचित सरपंच गौरी गायकवाड यांना मारहाण झाली आहे. मारहाण करणारा कोण? तर तो आहे राष्ट्रवादी काँग्रेसचा. गृहखाते ज्या पक्षाकडे त्या पक्षाच्या आमदार व कार्यकर्त्यांना महिला अधिकाऱ्यांना गलिच्छ शिवीगाळ करणे त्यांना एट्रॉसिटीच्या धमक्या देणे, महिला सरपंचाला मारहाण करणे याचे लायसन्स दिले आहे का? मुख्यमंत्री महोदय हे धक्कादायक, चीड आणणारे आणि तळपायाची आग मस्तकापर्यंत नेणारे आहे!’
सदरील घटना ही पुण्यातील कदमवाकवस्ती भागात लसीकरण केंद्रात घडली आहे. या मारहाणीचा व्हिडीओ समाज माध्यमावर व्हायरल झाला आहे. मारहाण झालेल्या महिला सरपंचाचं नाव गौरी गायकवाड असून मारहाण करणाऱ्या राष्ट्रवादी काँग्रेसच्या कार्यकर्त्याचं नाव सुजित काळभोर असे आहे. या घटनेविरुद्ध गौरी गायकवाड यांनी पोलीस ठाण्यात तक्रार दाखल केली आहे. यावरूनच भाजपकडून महाविकास आघाडी सरकारवर संतप्त स्वरूपातील टीका केली जात आहे.
महत्वाच्या बातम्या
- ‘गोमूत्र अँटीबायोटिक, त्यामुळे संसर्गजन्य आजार बरे होतात’, भाजप खा.साध्वी प्रज्ञा यांचा दावा
- इंधन दर कमी करण्याची किल्ली अजित पवारांकडेच आहे – चंद्रकांत पाटील
- ‘गणेशोत्सव साधेपणाने साजरा करणार असल्याने नवीन निर्बंध नाहीत’ ; उपमुख्यमंत्र्यांनी दिली माहिती
- हरवलेली ‘ओबीसी मंत्रीमंडळ उपसमिती‘ शोधण्यासाठी ‘टास्क फोर्स’ची स्थापना करा – पडळकर
- एकनाथ खडसेंविरोधात ED चे एक हजार पानी आरोपपत्र दाखल, पत्नी आणि जावयाचाही समावेश
