मुंबई: सध्या देशात कोरोनाच्या वाढत्या धोक्यामुळे सध्या देशभरातील लोकांचं जनजीवन विस्कळीत झालं. कोरोनाच्या दुसऱ्या लाटेमध्ये सर्वसामान्य नागरिकांपासून ते अनेक बॉलीवूडमधील कलाकार अडकल्याचे समोर येत आहे. अशातच आता हिंदी व मराठी चित्रपटसृष्टीतील ज्येष्ठ अभिनेते मोहन जोशी यांनाही कोरोनाची लागण झाली असल्याचे वृत्त समोर आले आहे. मोहन जोशी यांनी स्वत: याची माहिती दिली. मोहन जोशी यांनी कोरोना लसीचे दोन्ही डोस घेऊनही त्यांना कोरोनाची लागण झाली आहे.
मोहन जोशी यांनी इन्स्टास्टोरी शेअर करत लिहिले आहे की, घरात राहा आणि सुरक्षित राहा… मी कोरोना पॉझिटीव्ह आहे. मोहन जोशी सध्या ‘अग्गंबाई सूनबाई’ या लोकप्रिय मालिकेत काम करत आहेत. पूर्वी या मालिकेतील आजोबांची भूमिकेत रवी पटवर्धन यांनी काम केले होते परंतु त्यांच्या निधनानंतर आता ही भूमिका मोहन जोशी यांनीही अगदी उत्तमरीत्या साकारली आहे.
काही दिवसांपूर्वीपर्यंत गोव्यात या मालिकेचे शूटींग सुरु होते. मोहन जोशीही शूटींगनिमित्ताने गोव्यात होते. मात्र गोव्यात कोरोनाचा संसर्ग वाढत असल्याने शूटींगची परवानगी नाकारली. यानंतर नुकतीच या मालिकेची टीम मुंबईला परतली होती. मोहन जोशींना लहानपणापासूनच नाटकात काम करण्याची आवड होती. नाटक, चित्रपट आणि टिव्ही मालिका या तिन्ही क्षेत्रात त्यांनी काम केले आहे. त्यांनी अनेक हिंदी चित्रपटांमध्ये देखील उत्तम कामं केल आहे.
महत्वाच्या बातम्या
- धक्कादायक! अफगाणिस्तानच्या शाळेवर बॉम्बहल्ला, ६८ विद्यार्थिनींचा मृत्यू
- आता ‘या’ मोठ्या शहरात १२ मे पासून पूर्ण लॉकडाऊन !
- चंद्रकांत पाटलांची सगळी ‘माया’ कुठंय हे मला चांगलच ठाऊक ; मुश्रीफांचा टोला
- मराठा समाजाला आरक्षण मिळू नये याची काँग्रेस-राष्ट्रवादीने पायाभरणी केली – घाटगे
- ‘माझ्याकडे नवरा आहे…’; ट्विंकलने युजरला दिले गमतीशीर उत्तर
बातम्यांसाठी YouTube चॅनेल Subscribe करा
Subscribe Now
