मोदीजींची ही ‘त्रिसूत्री’ कोरोनाविरोधी लढा नक्कीच बळकट करेल- चंद्रकांत पाटील

🕒 1 min read

नवी-दिल्ली : काल(२६ डिसें.)रात्री पंतप्रधान नरेंद्र मोदी(PM Narendra Modi) यांनी लसीकरणासंदर्भात तीन महत्वाच्या घोषणा केल्या आहेत. यामध्ये १५ ते १८ वयोगटातील मुलांच्या लसीकरणास ३ जानेवारी २०२२ पासून सुरुवात करण्यात येणार आहे. तसेच आरोग्य कर्मचाऱ्यांसाठी बूस्टर डोस १० जानेवारीपासून सुरु होणार असून ६० वर्षांवरील जेष्ठ नागरिकांना सुद्धा बूस्टर डोसचा पर्याय उपलब्ध करण्यात आला आहे. डॉक्टरांच्या सल्ल्याने त्यांना बूस्टर डोस दिल्या जाणार आहे.

याच पार्श्वभूमीवर भाजप नेते चंद्रकांत पाटील यांनी ट्विट केले असून ट्विटमध्ये ते म्हणाले आहेत की,’पंतप्रधान नरेंद्र मोदी यांनी पुन्हा एकदा त्यांची दूरदृष्टी आणि सत्वर निर्णय घेण्याच्या क्षमतेचा प्रत्यय दिला आहे. ओमायक्रॉनचा वाढता धोका लक्षात घेत किशोरवयीन मुला-मुलींचे लसीकरण, आरोग्य कर्मचारी आणि ज्येष्ठांसाठी आणखी एक लस ही मोदीजींची त्रिसूत्री कोरोनाविरोधी लढा नक्कीच बळकट करेल’, असे पाटील म्हणाले आहेत.

पंतप्रधान @narendramodi जींनी पुन्हा एकदा त्यांची दूरदृष्टी आणि सत्वर निर्णय घेण्याच्या क्षमतेचा प्रत्यय दिलाय. ओमायक्रोनचा वाढता धोका लक्षात घेत किशोरवयीन मुला-मुलींचं लसीकरण, आरोग्य कर्मचारी आणि ज्येष्ठांसाठी आणखी एक लस ही मोदीजींची त्रिसूत्री कोरोनाविरोधी लढा नक्कीच बळकट करेल.

— Chandrakant Patil (@ChDadaPatil) December 26, 2021

दरम्यान, ओमायक्रॉन संदर्भात बोलत असतांना पंतप्रधान मोदी म्हणाले की,’अनेक देशांमध्ये कोरोनाचा नवीन व्हेरियंट अर्थातच ओमायक्रॉनचे संकट आले आहे. तसेच ओमायक्रॉनचा भारत देखील याचा संसर्ग वाढत असल्याने चिंताजनक वातावरण निर्माण झाले आहे. परंतु घाबरून न जाता सतर्क राहत नियमांचे पालन करण्याची गरज आहे. यासाठी नियमित मास्क वापरणे गरजेचे आहे.’ तसेच भारताने आत्तापर्यंत १४ कोटी डोस दिले असून देशात लवकरच नाकाद्वारे देणारी लस आणि डीएनए लस देण्यात येणार आहे,’ असेही नरेंद्र मोदी म्हणाले आहेत.

महत्वाच्या बातम्या

• “स्वतःला ‘देव’ म्हणवून घेणारे तोऱ्यात वावरत आहेत”, राऊतांचा राेखठोकमधून मोदींवर प्रहार
• “लोकसभेच्या गॅलरीतून डोकावणारे पत्रकार ही लोकशाहीची खरी…”, लोकसभेत पत्रकार बंदीवर राऊतांची टीका
• ‘खडसेंचे मानसिक संतुलन बिघडले’, शिवसेना आ.चंद्रकांत पाटील यांचे टीकास्त्र
• पंतप्रधान मोदींची घोषणा; ‘या’ तारखेपासून सुरु होणार १५ ते १८ वयोगटातील मुलांचे लसीकरण
• ‘ज्यांच्या पक्षाची अर्थव्यस्था डबघाईला आली, ते देशाची अर्थव्यस्था कशी मजबूत करतील?’