मुंबई: सध्या बॉलिवूड इंडस्ट्रीतील अनेक बड्या व्यक्तींवर बायोपिक बनवले जात आहेत. यात क्रीडा क्षेत्रातील दिग्गजांच्या नावाचाही समावेश आहे. नुकताच तापसी पन्नूने तिच्या सोशल मीडिया अकाउंटवरून मिताली राजच्या शाबाश मिठू या चित्रपटाचा टीझरही शेअर केला आहे. ज्यामध्ये तिचा लूक आणि स्टाइल प्रेक्षकांच्या पसंतीस उतरत आहे. चाहते या चित्रपटाची आतुरतेने वाट पाहत आहेत.
‘शाबाश मिठू’ हा चित्रपट भारतीय महिला क्रिकेट संघाची कर्णधार मिताली राजचा (mitali raj) बायोपिक आहे. या चित्रपटाबद्दल लोकांची उत्सुकता आणखीनच वाढणार आहे. कारण टीझरमध्ये अभिनेत्री तापसी पन्नू (tapsee pannu) ज्या प्रकारे मिताली राजच्या भूमिकेत डुंबलेली दिसत आहे, तुम्हीही तिच्यापासून नजर हटवू शकणार नाही. याआधीही अनेक खेळाडूंवर बायोपिक बनवण्यात आले होते. पण, महिला खेळाडूवर पहिल्यांदाच चित्रपट बनला आहे. यानंतर झुलन गोस्वामीवरही बायोपिक येणार आहे.
In this Gentlemen’s sport, she did not bother to rewrite history ….. instead she created HER STORY! #AbKhelBadlega #ShabaashMithu Coming soon! #BreakTheBias #ShabaashMithu #ShabaashWomen #ShabaashYou pic.twitter.com/qeztCiCu45
— taapsee pannu (@taapsee) March 21, 2022
चित्रपटाच्या संपूर्ण टीझरबद्दल बोलायचे झाले तर तो अतिशय उत्तम पद्धतीने सादर करण्यात आला आहे. सृजित मुखर्जी दिग्दर्शित, शाबाश मिठू हा चित्रपट कर्णधार मिताली राज तसेच भारतीय महिला क्रिकेट संघाच्या क्रिकेट कारकिर्दीभोवती फिरतो. मिताली राजबद्दल बोलायचे तर तिने आतापर्यंत ४ वर्ल्ड कपमध्ये संघाचे नेतृत्व केले आहे. यादरम्यान तिचे जीवन किती कठीण प्रसंगातून गेले याचा प्रवास दिसेल. यानंतरही ती स्वत:ला कशी सकारात्मक ठेवते आणि देशासाठी खेळत राहते हेही या चित्रपटात पाहायला मिळणार आहे.
महत्वाच्या बातम्या
- वृक्ष लागवड योजनेत भ्रष्टाचार; दत्तात्रय भरणे स्पष्टीकरण देत म्हणाले…
- पदरात जास्त पाडून घ्यायचं असेल तर शिवसेना आपल्या भूमिकेत बदल करते- चंद्रकांत पाटील
- “आम्ही म्हणायचे ठाकरे सरकार पण…”; शिवसेना खासदाराचा महाविकास आघाडीला घरचा आहेर
- “I Hate kashmir Files…”राम गोपाल वर्मांच्या वक्तव्यावर विवेक अग्निहोत्री म्हणाले…
- १११ मिनिटे केवळ धावांचा पाऊस; २० वर्षीय खेळाडूने रचला नवीन इतिहास!
