‘नवाब मलिक जेलमध्ये आहेत, मग अजित पवार…?’ असदुद्दीन ओवैसींचा सवाल

🕒 1 min read

मुंबई: राष्ट्रवादी कॉंग्रेसचे नेते नवाब मलिक यांना ईडीने ३ मार्च पर्यंत कोठडी सुनावली आहे. या पार्श्वभूमीवर महाविकास आघाडी सरकारचे नेते आक्रमक झाले आहेत तसेच मलिकांच्या मंत्रीपदाच्या राजीनाम्यासाठी भाजप नेते आक्रमक झाले आहेत. त्यामू राजकीय वातावरण आधीच तापलेले असताना त्यात आता एमआयएमचे अध्यक्ष असदुद्दीन ओवैसींनी उडी घेतली आहे.

ओवैसी सध्या उत्तर प्रदेशमध्ये पक्षाच्या उमेदवारांचा प्रचार करत आहेत. त्यांच्या प्रचारसभेमध्ये शनिवारी बोलताना ओवैसींनी समाजवादी पक्षासोबतच राष्ट्रवादी काँग्रेसवर देखील निशाणा साधला. महाराष्ट्रात नवाब मलिक जेलमध्ये आहेत. राष्ट्रवादी काँग्रेसचे उपमुख्यमंत्री आहेत. त्यांच्याविरोधात जलसिंचन घोटाळ्याचा आरोप आहे. ते बाहेर आहेत आणि नवाब मलिक जेलमध्ये आहेत. काय होतंय हे? असा सवाल ओवैसी यांनी केला आहे.

राज्यात राजकारण वेगळ्या वळणावर गेलेले असताना आता त्यात आणखी भर ओवैसी यांनी केलेल्या या व्यक्तव्यामुळे होणार का, अशी चर्चा होत आहे. नवाब मलिक अटक प्रकरणी आता पुढे काय होणार आहे याची उत्सुकता सर्वांनाच लागली आहे. त्यात आता महाविकास आघाडी मधील आणखी कुठल्या नेत्यावर कारवाई होणार याची देखील जोरदार चर्चा सुरू आहे.

महत्वाच्या बातम्या:

• ‘नवाब मलिकांच्या पाठीशी मजबुतीने उभे राहणार’ – छगन भुजबळ

•  महाराष्ट्रातील ‘या’ दोन शहरांना जोडणार सेमी हायस्पीड रेल्वे

• Russia-Ukraine War: रशिया -भारत संबंधांबाबतीत अमेरिकेचे मोठे विधान 

• ‘पुढच्या अधिवेशनात आम्ही मराठा अक्षणाचा…’; प्रविण दरेकरांचे आंदोलनकर्त्यांना आश्वासन

• युक्रेनच्या महिला खासदाराने उचलले शस्त्र! म्हणाल्या, “मला कधीच वाटलं नव्हतं की…”