टीम महाराष्ट्र देशा: सध्या सर्वत्र फक्त सोशल मिडीयावर येणाऱ्या नवनवीन गोष्टींची चर्चा चाललेली असते. माहिती व तंत्रज्ञानाचा वापर करत आपल्या कलाकृतीला वाव मिळण्याचे देखील ठिकाण आता सोशल मिडीया झाले आहे. जग प्रसिद्ध सोशल मिडीया कंपनी Meta (मेटा) आपल्या फेसबुक आणि इंन्स्टाग्राम या अप्लिकेशनमध्ये सातत्याने काही तरी बदल करत असते.
अप्लिकेशनच्या वापराचा अधिकाधिक फायदा हा वापरकर्त्यांना व्हावा आणि त्यातून माहितीची देवाण-घेवाण व्हावी हा उद्देश या कंपनीचा असतो. अर्थातच यातून कंपनीला मोठ्या प्रमाणात फायदा देखील होत असतो. असाच फायदा आता मेटा कंपनी आपल्या इंन्स्टाग्रामवरील रिल्स बनवणाऱ्यांना देणार आहे.
रिल्स बनवणारे आपल्या रिल्सचा फायदा आता उत्पन्नाचे मोठे साधन म्हणून करू शकणार आहेत. रिल्स बनवल्याने स्टारडम प्राप्त झालेल्यांना आपण दररोज पाहातो. आता थेट कंपनीच रिल्स बनवणाऱ्यांना फायदा करून देत आहे, म्हटल्यावर रिल्स स्टारची तर चांदी होणार आहे. मेटाच्या अनूसार, प्रोफाईल फिडमध्ये जाहीराती चालतील का यावर सध्या मेटाकडून चाचणी चालू आहे. पहिल्यांदा युएसएच्या क्रिएटर्ससाठी हे फिचर उपलब्ध करण्यात येणार असल्याचं देखील मेटाकडून सांगण्यात आले आहे.
वापरकर्त्यांना सध्या इंन्स्टाग्रामकडून नोट्स या नावाने एक नवीन फिचर देण्यात आलं आहे. इंन्स्टाग्राम स्टोरी सारखा तुम्ही साठ शब्दात लिहून याचा वापर करू शकता. आपल्या फाॅलोअर्सना हे दिसणार आहे. या फिचरच्या माध्यमातून मेटाने इंन्स्टाग्रामला अधिक लोकप्रिय बनवण्याचा प्रयत्न चालवला आहे. रिल्स बनवणाऱ्यांसाठी तर इंन्स्टाग्राम त्यांच्या प्रोफाईलला जाहीरातीच्या माध्यमातून देखील संधी उपलब्ध करून देत आहे. आपल्या प्रोफाईलवरून रिल्स बनवणाऱ्यांना जाहीराती देखील करता येणार आहे.
महत्वाच्या बातम्या
- Shrikant Shinde | “एका बापाची हात जोडून, डोळ्यांत पाणी आणून विनंती…” ; दुखावलेल्या श्रीकांत शिंदे यांचे उद्धव ठाकरेंना पत्र
- Health Tips | लिगामेंट इंजुरी झाल्यास करा ‘हे’ घरगुती उपाय
- Explained | उद्धव ठाकरेंशिवाय शिंदे गटातील मंत्र्यांचे राजकीय भविष्य धोक्यात? पुढे निवडून येणेही अवघड
- Ajit Pawar | “काही जणांची भाषणं…”; शिंदेंच्या भाषणावर अजित पवार यांचा खोचक टोला
- MNS | एकनाथ शिंदेंनी आनंद दिघेंच्या संपत्तीबाबत उद्धव ठाकरेंवर केलेल्या ‘त्या’ आरोपावर मनसेची प्रतिक्रिया, म्हणाले…
