औरंंगाबाद : पतीसह सासू सासर्याच्या सततच्या हाणामारीला कंटाळून विवाहीतेने आत्महत्या केल्याची घटना मंगळवारी रात्री मुकुंदवाडी परिसरातील जयभवानी नगरात घडली. पत्नीला आत्महत्येस प्रवृत्त केल्याप्रकरणी पोलिसांनी कृष्णा बाबासाहेब पारखे (वय २८, रा.जयभवानीनगर, गल्ली नं १२, मुकुंदवाडी) याला अटक केली असून त्याला शनिवारपर्यंत पोलीस कोठडीत ठेवण्याचे आदेश प्रथम वर्ग न्यायदंडाधिकारी ए.एस. कांबळे यांनी बुधवारी (दि.१२) दिले.
प्रकरणात मयत कल्पना चे वडील जालींदर संपतराव तेरे (वय ५५, रा. पाचोड, ता. पैठण) यांनी फिर्याद दिली. त्यानूसार, २०१३ मध्ये कल्पना आणि कृष्णा पारखे यांचे लग्न झाले होते. सहा महिने चांगले वागविल्यानंतर कृष्णा पारखे दारु पिवून तिला मारहाण करीत होता. याबाबत कल्पनाने आपल्या आईवडीलांना सांगितल्यावर कल्पनाच्या आई-वडीलांनी व कृष्णा पाखरे याच्या नातेवाईकांनी त्याची समजूत काढली होती.
दरम्यानच्या काळात दोन आपत्ये देखील झाली. त्यानंतरही कृष्णा पारखे हा दारुच्या नशेत कल्पनाला शिवीगाळ करुन मारहाण करित होता, तसेच आरोपीचे आई वडील देखील तिला मारहाण करित होते. नेहमीच्या त्रासाला कंटाळलेल्या कल्पना कृष्णा पारखे हिने मंगळवारी रात्री गळफास घेवून आत्महत्या केली होती. याप्रकरणी मुकुंदवाडी पोलिस ठाण्यात गुन्हा दाखल करण्यात आला आहे.
महत्वाच्या बातम्या
- दोस्ताना नंतर कार्तिकच्या हातात बिग बजेट सिनेमा ; मराठी दिग्दर्शकासोबत करणार काम
- बॉलीवूडमध्ये टिकणे झाले अवघड, कंगनाच्या हातातून निसटले अनेक ‘एंडोर्समेंट’
- महागाईचा निषेध करत पुण्यात महिला राष्ट्रवादी काँग्रेसने घातले गॅस सिलेंडरचे व टू व्हिलर गाडीचे श्राद्ध
- जालन्यातील तरुणीचा लग्नाच्या नावाखाली मालेगावच्या तरुणाला पाच लाखांचा गंडा
- UPSC ची पूर्वपरीक्षा कोरोनामुळे लांबणीवर; आयोगाने नवी तारीखही केली जाहीर
बातम्यांसाठी YouTube चॅनेल Subscribe करा
Subscribe Now
