पुणे : सध्या राज्यात मराठा समाजाच्या शैक्षणिक आणि नोकर भरतीतल्या आरक्षणाला स्थगिती मिळाल्यावर राज्यात मराठा समाज संतप्त झाला आहे. ठिकठिकाणी मराठा समाजाकडून आंदोलनाची हाक दिली जात आहे. आंदोलनाच्या मैदानात आता मराठा क्रांती मोर्चानेही उडी घेतली आहे. पुण्यात गुरुवारी १७ तारखेला जिल्हाधिकारी कार्यालयाला मराठा क्रांती मोर्चाने घेराव घालण्याचे नियोजन केले आहे. जिल्हाधिकारी कार्यालया बाहेर निदर्शने केली जाणार आहेत. मराठा बांधवांनी भगवे झेंडे आणि काळ्या फिती हाती घेत आंदोलन करण्याचं आवाहन मराठा क्रांती मोर्चानं केले आहे. जर गुरुवारच्या आंदोलनानं प्रश्न सुटला नाही तर मग आमदार आणि खासदारांच्या घरासमोर घंटानाद आंदोलन करुन जिल्ह्यातील राष्ट्रीय महागार्ग बंद करण्याचा इशारा हा मराठा क्रांती मोर्चाच्या वतीने देण्यात आला आहे. प्रमुख पाच मागण्यांसह जिल्ह्याधिकारी कार्यालयाच्या बाहेर निदर्शने करणार असल्याची माहिती मराठा महासंघाचे अध्यक्ष राजेंद्र कोंढरे यांनी पत्रकार परिषदेत दिली आहे.
पहा सविस्तर व्हिडिओ :
https://www.facebook.com/MahaDeshaa/videos/953723798372463/
महत्वाच्या बातम्या :
- मागील १५ वर्षात झाली नाहीत इतकी विकासकामे आगामी पाच वर्षांत करणार- निलेश लंके
- उद्धव ठाकरे आणि संजय राऊतांना हवी आहे भाटगिरी,चंद्रकांत पाटलांचा शिवसेनेला टोला
- ‘कंगना राणावत’ हिमाचलला परतली हे ऐकून आश्चर्य वाटलं; सचिन सावंतांचा कंगनाला टोला
- खाजगी शिकवण्या सुरु असतील तर फौजदारी कारवाई करण्यात येईल – बच्चू कडू
- महाराष्ट्राला बदनाम करण्याचा सातत्यानं प्रयत्न होत आहे – बाळासाहेब थोरात
