मुंबई : काँग्रेसमधून नेते, कार्यकर्ते राष्ट्रवादीत येत आहेत. एक दिवस राष्ट्रवादी काँग्रेस शिवसेना आणि काँग्रेस या दोघांचे कार्यकर्ते आपल्या बाजूने घेईल. पक्ष संपवण्याचं आणि खाण्याचं काम राष्ट्रवादी करत आहे, अशी टीका भाजप प्रदेशाध्यक्ष चंद्रकांत पाटील यांनी राष्ट्रवादी काँग्रेसवर केली होती. या टीकेवर राष्ट्रवादी काँग्रेसचे नेते आणि मंत्री नवाब मलिक यांनी उत्तर दिले आहे.
नवाब मलिक म्हणाले, “भाजपमधून बरेच लोक राष्ट्रवादी काँग्रेसमध्ये येणार आहेत. काही सिटींग आमदार भाजप सोडण्याच्या मनस्थितीत आहेत. तुमचा पक्ष फुटणार नाही याकडे लक्ष द्या. आगामी काळात अनेक भाजपचे नेते पक्ष सोडणार आहेत, या भितीपोटी चंद्रकांत पाटील आमच्या मित्रपक्षांच्या बाबतीत बोलत आहेत. भाजप निश्चित रुपात महाराष्ट्रात फुटणार आहे.”
शेतकऱ्यांच्या हितासाठी वाईन संदर्भात निर्णय
विदेशी कंपन्यांचे जे मालक आहेत त्यांच्या हितासाठी वाईनसंदर्भात निर्णय घेतल्याचा आरोप देवेंद्र फडणवीस यांनी केला आहे. यावर बोलताना नबाव मलिक म्हणाले, “हा निर्णय महाराष्ट्रात होण्याअगोदर मध्य प्रदेश, गोवा, हिमाचल प्रदेश व इतर भाजपशासित राज्यांमध्ये झाला आहे, म्हणजे भाजपची विदेशी कंपन्यांसोबत डिल झाली आहे का? ज्याप्रमाणे भाजपचे लोक सांगतात बेवड्यांसाठी हा निर्णय झाला तर आमचे म्हणणे आहे, भाजपला वाईनबद्दल ऐवढा विरोध असताना जे वाईनरी भाजपच्या नेत्यांच्या मालकीची आहेत. त्यांचे वाईन शॉप, बार बंद करणार का?”
तसेच बेवड्यांसाठी हा निर्णय झाला, असे जे बोलतात ते किती पितात, कधी पितात हि सगळी माहिती आमच्याकडे आहे. देवेंद्रजी हे सगळे आरोप बिनबुडाचे लावत आहेत, असे नवाब मलिक म्हणाले.
महत्वाच्या बातम्या :
- ‘चौकीदाराकडूनच हेरगिरी’; Pegasus प्रकरणी राहुल गांधीचा केंद्रावर हल्लाबोल
- ‘मोदी सरकारने संसदेत खुलासा करावा’, पेगासस प्रकरणावर पृथ्वीराज चव्हाण यांची प्रतिक्रिया
- ‘आघाडीत बिघाडी करण्याचा चंद्रकांत पाटलांचा विचार’; उदय सामंत यांचे प्रत्युत्तर
- “…ते किती पितात, कधी पितात ही सगळी माहिती आमच्याकडे”; नवाब मलिकांचा खोचक टोला!
- देशातील टॅक्सपेयर लोकांचा पैसा मोदी सरकारने पेगासस सॉफ्टवेअर घेण्यासाठी वापरला- जितेंद्र आव्हाड
