Breaking News : मतमोजणीला सुरवात होताच सोलापूरमध्ये सुशीलकुमार शिंदे आघाडीवर

टीम महाराष्ट्र देशा : गेल्या महिनाभर देशामध्ये धुमाकूळ घेतलेल्या लोकसभा निवडणुकीचा निकाल आज जाहीर होत आहे. या लोकसभा निवडणुकीत देशातील अनेक उमेदवारांची प्रतिष्ठापणाला लागली आहे.

मतमोजणीला सुरवात होताच सोलापूर लोकसभा मतदारसंघाचा कल आला आहे. सोलापूर मतदारसंघातून कॉंग्रेस आघाडीवर आहेत. सोलापूर या मतदारसंघातून कॉंग्रेसकडून सुशीलकुमार शिंदे यांना उमेदवारी देण्यात आली होती, तर त्यांच्या विरोधात भाजपकडून जयसिद्धेश्वर स्वामी यांना उतरवण्यात आले होते.

सत्ताधारी भाजप पुन्हा सत्तेत येणार की काँग्रेस 2014 मधील आपल्या कामगिरीत सुधारणा करणार? हे आज मतमोजणीनंतरच स्पष्ट होईल.

११ एप्रिल ते १९ मे दरम्यान लोकसभेच्या ५४२ जागांच्या मतदानासाठी मोठ्या संख्येने मतदार घराबाहेर पडले होते. ही निवडणूक सात टप्प्यात पार पडली. या सात टप्प्यात ९०.९९ कोटी मतदारांपैकी जवळपास ६७.११ टक्के मतदारांनी आपल्या मताचा वापर केला. देशात लोकसभा निवडणुकीसाठी झालेलं हे सर्वाधिक मतदान आहे.