‘पोलिसांचा पदर सोडून संघर्षाला या, भाजप तुम्हाला जशास तसे उत्तर द्यायला तयार’

🕒 1 min read

मुंबई : अयोध्येतील राम मंदिराच्या ट्रस्टने जमीन घोटाळा केल्याच्या आरोपामुळे देशभरात खळबळ उडाली होती. याच मुद्यावरून सामनाच्या अग्रलेखातून भाजपवर निशाणा साधण्यात आला होता. त्यामुळे भाजप युवा मोर्चाच्या वतीने शिवसेना भवनावर ‘फटकार’ मोर्चा काढला होता. यावेळी शिवसैनिक आणि भाजपच्या कार्यकर्त्यांमध्ये एकच धुमश्चक्री उडाली.

भाजपने शिवसेना भवनावर फटकार मोर्चा काढून निषेध करणार होते. भाजपचे युवा मोर्चाचे अध्यक्ष तेजिंदर सिंग तिवाना यांच्या नेतृत्वाखाली हा मोर्चा काढण्यात आला होता. यावेळी पोलिसांचा कडक बंदोबस्त ठेवण्यात आला होता. मोर्चेकरी जमा झाल्यानंतर शिवसैनिकांनी शिवसेना भवनाच्या परिसरात गर्दी केली. त्यामुळे तणावाचे वातावरण निर्माण झाले होते. शिवसेना आणि भाजपच्या कार्यकर्त्यांमध्ये सुरवातीला बाचाबाची झाली नंतर याच रुपांतर हाणामारीत झाले.

त्यानंतर यावरून आता जोरदार राजकारण तापायला सुरवात झाली आहे. दरम्यान, या वादावर मंत्री अनिल परब यांनी भाजपवर टीका केली होती. यावर आता भाजपचे नेते आणि आमदार प्रसाद लाड यांनी अनिल परब यांचा चांगलाच समाचार घेतला आहे. ‘अनिल परब हे सध्या भाजपच्या कार्यकर्त्यांना चेथावणी देण्याचा प्रयत्न करत आहेत.

पोलिसांच्या पदराआड जाऊन भाजपच्या कार्यकर्त्यांवर हल्ला करण्याचे शिवसेनेने बंद करावं, त्यांनी संघर्षासाठी समोर यावं. आम्ही जशाच तसं उत्तर देण्यास खंभीर आहोत, अनिल परब यांनी पोकळ धमक्या आणि चिथावणी देण्याचा मुळीच प्रयत्न करू नये. आम्ही अश्या धमक्यांना मुळीच भिक घालत नाही.’ अशा आशयाचे ट्वीट करून त्यांनी जोरदार हल्लाबोल केला आहे.

पोलिसांच्या पदराआड जाऊन भाजपच्या कार्यकर्त्यांवर हल्ला करण्याचे शिवसेनेने बंद करावं, त्यांनी संघर्षासाठी समोर यावं. आम्ही जशाच तसं उत्तर देण्यास खंभीर आहोत, अनिल परब यांनी पोकळ धमक्या आणि चिथावणी देण्याचा मुळीच प्रयत्न करू नये.
आम्ही अश्या धमक्यांना मुळीच भिक घालत नाही. pic.twitter.com/Qt7XKGO6VW

— Prasad Lad (@PrasadLadInd) June 18, 2021

महत्वाच्या बातम्या

• ‘सर्टिफाईड गुंड असो किंवा… आम्ही जिजाऊंच्या लेकी त्यांना चार हात करायला तयार आहोत’
• ‘भुजबळ, पटोले, वडेट्टीवार हे तर ‘हेराफेरी’ सिनेमातील कलाकार’
• ..अन् अजित पवारांनी नाकारला गार्ड ऑफ ऑनर! उस्मानाबादेत दाखवली माणुसकी, पाहा व्हिडिओ
• नियुक्त्यांच्या मुद्द्यासह एमपीएससीचा मुद्दा अधिवेशनातही गाजणार, फडणवीस सरकारला पुन्हा घेरणार
• डॉक्टरांना देव मानण्यापेक्षा माणूस म्हणून माणुसकी दाखवा, डॉक्टरांवरील हल्ल्याविरोधात पाळला ‘काळा दिवस’