टीम महाराष्ट्र देशा – दाभोलकर आणि पानसरे यांच्या हत्यांच्या तपासाचा प्रगती अहवाल स्वीकारण्यास उच्च न्यायालयाने नकार दिला आहे. दाभोलकर आणि पानसरे यांच्या हत्यांचा तपास हा आतापर्यंत निष्काळजीपणे केला गेला आहे. गौरी लंकेश प्रकरणाच्या तपासामधून काहीतरी शिका असा सल्ला देत हायकोर्टाने एसआयटी आणि सीबीआयने पाठवलेला तपासाचा प्रगती अहवाल न उघताच परत पाठवला.
दाभोलकर आणि पानसरे यांच्या हत्यांच्या तपासाची सुनावणी आज मुंबई हायकोर्टात सुरू होती. त्यादरम्यान, न्यायमूर्तींनी हे मत नोंदवले. राज्यातील सध्याचे चित्र विदारक आहे. दगडफेक, जाळपोळीच्या घटनांमुळे परिस्थिती स्फोटक बनली आहे. सर्वसामान्य जनतेला वेठीस धरले जात आहे, राज्यात सरकार नावाची गोष्ट अस्तित्वात आहे का? अशी टिप्पणी न्यायालयाने केली आहे.
बातम्यांसाठी YouTube चॅनेल Subscribe करा
Subscribe Now
