रांची : मोदी सरकारने कृषी कायदे रद्द करावेत या मागणीसाठी लाखो शेतकरी अडीच महिन्यांपासून दिल्लीच्या सीमांवर आंदोलन करत आहे. परंतु, शेतकरी विरोधी मोदी सरकार शेतकऱ्यांच्या मागण्या मान्य करत नाही. या आंदोलनाचं विरोधकांकडून समर्थन करण्यात आलं आहे. काँग्रेसनंदेखील शेतकऱ्यांच्या या आंदोलनाला समर्थन दिलं आहे.
गुरूवारी झारखंडमधील सरायकेला-खरसावां जिल्ह्यात काँग्रेस तर्फे शेतकऱ्यांच्या समर्थनार्थ एका जन आक्रोश रॅलीचं आयोजन करण्यात आलं होतं. काँग्रेसचे मंत्री आलमगीर आलम यांच्याद्वारे ही रॅली आयोजित करण्यात आली होती.
ही रॅली ज्या कारणासाठी आयोजित करण्यात आली होती त्यापेक्षा वेगळ्याच कारणामुळे या रॅलीची आता चर्चा होऊ लागली आहे. या रॅलीत गर्दी जमवण्यासाठी एका डान्सरला बोलावण्यात आल्याचं सांगण्यात येत आहे. या रॅलीचा एक व्हिडीओ सोशल मीडियावर मोठ्या प्रमाणात व्हायरल होत आहे. यामध्ये मंचावर काही महिला आणि नेते बसलेले दिसत आहेत. त्यांच्या समोरच डान्सर लैला मै लैला या गाण्यावर नृत्य करताना दिसत आहे. यादरम्यान, त्या ठिकाणी जमलेल्या काही कार्यकर्त्यांनीही या गाण्यावर ठेका धरला होता.
https://twitter.com/KunalSarangi/status/1363058678773899268?ref_src=twsrc%5Etfw%7Ctwcamp%5Etweetembed%7Ctwterm%5E1363058678773899268%7Ctwgr%5E%7Ctwcon%5Es1_c10&ref_url=https%3A%2F%2Fwww.lokmat.com%2Fnational%2Fbollywood-movie-song-laila-main-laila-dance-jharkhand-congress-jan-aakrosh-rally-stage-farmers-a720
झारखंड भाजपचे प्रवक्ते कुणाल सारंगी यांनी याचा एक व्हिडीओ आपल्या ट्विटर अकाऊंटवरून शेअर केला आहे. “इटलीच्या हवेतच डान्स आहे. हवा तर थांबवाल परंतु डान्स कसा थांबवाल? काँग्रेसचं शेतकऱ्यांबद्दलचं हे प्रेम पाहून डोळ्यात अश्रू आले. १८ फेब्रुवारी रोजी सरायकेला खरसवां जिल्ह्यातील कुकडू प्रखंज येथे आयोजित केलेल्या जन आक्रोश रॅलीचा नजारा,” असं म्हणत त्यांनी हा व्हिडीओ शेअर केला आहे.
महत्त्वाच्या बातम्या
- ‘राज्यपाल नवीन आमदारांच्या हक्कांवरती गदा आणत आहेत – बाळासाहेब थोरात
- जालनेकरांनो काळजी घ्या! जिल्ह्यात कोरोना वाढतोय; शनिवारी तिघांचा बळी; ७० नवे रुग्ण
- अल्लाह को पता था कोरोना आनेवाला है – जितेंद्र आव्हाड
- ‘उद्धवजींचे सरकार नाही रामाचे…नाही भिमाचे…नाही काही कामाचे’
- पत्नीच्या त्रासाला कंटाळून पतीची आत्महत्या, बीड जिल्ह्यातील घटना
