मुंबई : सामाजिक न्यायमंत्री धनंजय मुंडे यांच्यावर त्यांच्याशी संबंध असलेल्या करुणा शर्मा यांच्या बहिणीनेच अत्याचार केल्याचे गंभीर आरोप केले होते. यामुळे राजकीय क्षेत्रात खळबळ माजली होती. नैतिकतेची जबाबदारी लक्षात घेता मुंडेंनी राजीनामा द्यावा यासाठी भाजपने आंदोलन पुकारलं असतानाच भाजपच्या कृष्णा हेगडे यांनीच रेणू शर्मा यांच्यावर ब्लॅकमेलिंगचे आरोप केले होते.
यामुळे हे प्रकरण हनीट्रॅपचे आहे का ? असा सवाल निर्माण होत होता. यानंतर रेणू शर्मा यांनी आपला राजकीय फायदा होत असल्याच्या सांगत मुंडेंविरोधातील तक्रार मागे घेतली होती. मात्र, कृष्णा हेगडे यांच्यामुळे या प्रकरणाला वेगळं वळण लागलं होतं. आता त्यांनी भाजपला रामराम ठोकला आहे. ते भाजपमध्ये अस्वस्थ असल्याचं बोललं जात होतं. त्यांच्याकडे भाजप मुंबई उपाध्यक्षपदाची जबाबदारी होती.
अखेर त्यांनी शुक्रवारी मुख्यमंत्री उद्धव ठाकरे यांच्या शासकीय निवासस्थानी शिवसेनेत प्रवेश केला आहे. मूळचे काँग्रेस पक्षाचे असलेल्या हेगडेंनी मुंबईतील विलेपार्ले मतदारसंघातून निवडणूकही जिंकली होती. सद्या हा मतदारसंघ हा भाजपकडेच असून पराग अळवणी हे या मतदारसंघाचे आमदार आहेत. तत्कालिन मुंबई काँग्रेस अध्यक्ष संजय निरुपम व हेगडे यांच्यात वाद निर्माण झाल्यामुळे त्यांनी भाजपची वाट धरली होती. मात्र, गेल्या काही काळापासून ते नाराज असल्याचं बोललं जात होतं. अखेर आज त्यांनी मुख्यमंत्री उद्धव ठाकरे यांच्या उपस्थित शिवबंधन बांधलं आहे.
महत्वाच्या बातम्या
- शेतकरी आंदोलनात सरकारची डोकेदुखी ठरत असलेल्या ट्विटरवर भारत सरकार बंदी घालणार ?
- ‘…आणीबाणी, बोफोर्स तोफ खरेदीत खाल्लेल्या कमिशनमुळे झाली नाही, तशी नाचक्की ना?’
- महाराष्ट्रात काँग्रेस आगामी काळात एक नंबरचा पक्ष बनवणार; नाना पटोलेंची डरकाळी !
- ‘बाळासाहेबांच्या स्मारकासाठी महापौर निवास ताब्यात घेऊन स्मारक न करणं याला टाइमपास म्हणतात’
- स्मार्ट सिटी सीईओ पद पांडेय यांच्याकडेच राहावे हीच खैरेंची इच्छा
