‘तुम्ही नोकरी कसे करता तेच पाहतो’ म्हणून पोलिसांवर चाकुहल्ला; छावणीतील घटना

औरंगाबाद : वाहनांची तोडफोड करणाऱ्या आरोपीला थांबवायला गेलेल्या पोलिसांवर ‘तुम्ही नोकरी कसे करता तेच पाहतो’ असे म्हणून पोलिसावर आरोपीने चाकुने हल्ला केला. मात्र वार चुकवल्याने पोलिस वाचले. इतर नागरिकांच्या मदतीने पोलिसांनी आरोपीला जेरबंद करण्यात यशस्वी झाले आहे.

शुक्रवारी पहाटे सकाळी तीन वाजेच्या सुमारास सचिन अशोक भुजबळ हा छावणी येथील चांदमारी मशिदीच्या मागील बाजुला असलेल्या गल्लीत धिंगाणा घालत होता. त्यावेळी सचिनने तिथे उभ्या असलेल्या दुचाकींची तोजफोड केली. याची माहिती गुरुवारी रात्री कर्तव्यावर असलेल्या छावणी बीट मार्शलचे राजू जाधव व सहकारी बाळु पवार यांना मिळाली. त्यांनी तत्काळ तिथे धाव घेतली.

त्यावेळी सचिन मोठमोठ्याने शिविगाळ करत दुचाकींची तोडफोड करत होता. राजु जाधव यांनी त्याला थांबण्यास सांगितले आणि पकडण्याचा प्रयत्न करु लागले. तेव्हा सचिन ने ‘तुम्ही इथे नोकरी कसे करता तेच बघतो,’ असे म्हणत जाधव यांच्या अंगावर धावत गेला व त्यांच्या वर चाकूने हल्ला केला. सचिनने जाधव यांच्या पोटात चाकू घुसवण्याचा प्रयत्न केला. पण जाधव यांनी प्रसंगावधान दाखवत वार चुकवला आणि पुन्हा वार करण्याचा प्रयत्न करताच सचिन ला पकडले. पुढील तपास छावणी पोलिस स्टेशन येथील पथक करत आहे.

महत्वाच्या बातम्या

• जगभरातील ७०० पेक्षा जास्त स्पर्धकांत औरंगाबादच्या वर्षा जोशी प्रथम; ठरल्या सर्वोत्कृष्ट गायिका
• ‘बदनामी करू नका, अन्यथा आम्हालाही जीव द्यावा लागेल’, पूजाच्या बहिणीचे भावनिक आवाहन
• इंधन दरवाढी विरोधात केरळमध्ये शशी थरूर कार्यकर्त्यांसह रस्त्यावर
• ‘त्या दिवशी संजय राठोड यांनी पूजाला ४५ फोन केले होते’
• आपली मराठी भाषा अजिबात लेचीपेची नाही; वाचा मराठी राजभाषा दिनानिमित्त राज ठाकरेंचं खास पत्र !